Կան հարցեր, որ պետք է քննարկվեն. Սիմոնյանը՝ Լավրովին
Հայաստանը չի փորձում որևէ քայլ ձեռնարկել Ռուսաստանի դեմ․ հայտարարել է ՀՀ խորհրդարանի խոսնակ Ալեն Սիմոնյանը Ռուսաստանի արտաքին գործերի նախարար Սերգեյ Լավրովի հետ հանդիպման ժամանակ։ «Հայաստանը շահագրգռված է Ռուսաստանի հետ կապերով, և Հայաստանում այլ ըմբռնում չկա։ Միաժամանակ, հասկանալի պատճառներով, մենք պատերազմի ավարտից հետո առաջին օրերից փորձել և փորձում ենք կարգավորել իրավիճակը մեր տարածաշրջանում, և, իմ գնահատմամբ, դա մեզ մոտ վատ չստացվեց», - ընդգծել ԱԺ նախագահը։
Նրա խոսքով՝ Երևանն ու Բաքուն զգալի առաջընթաց են գրանցել այս հարցում, և շուտով սպասվում է խաղաղության պայմանագրի ստորագրում, ինչը կարևոր է երկրների ապագայի համար։ «Ես չեմ ուզում, որ Ռուսաստանում տպավորություն ստեղծվի, թե Հայաստանը փորձում է ինչ-որ բան անել Ռուսաստանի՝ բարեկամ դաշնակցի դեմ, չնայած այն հանգամանքին, որ կան հարցեր, որոնք պետք է քննարկվեն», - նշել է Սիմոնյանը։
Սիմոնյանն ընդգծել է, որ Լավրովն ինքը այս հարցերը քննարկում է իր հայ գործընկեր Արարատ Միրզոյանի հետ։ Երկու երկրների ղեկավարները նույնպես անդրադառնում են դրանց։ Ալեն Սիմոնյանի խոսքով՝ Հայաստանում «մեզ հետ կամ մեր դեմ» հասկացություն գոյություն չունի։ «Մենք կարծում ենք, որ սա սխալ է։ Սա սխալ է Հայաստանի և այն ամենի համար, ինչ մենք ունենք (Ռուսաստանի հետ, խմբ.)», - ընդգծել է Սիմոնյանը։
Ես «Հայփոստի» վերջին առնվազն 10 տարվա ամենացածր աշխատավարձ և պարգևատրում ստացած տնօրենն եմ. Հայկ Կոն...
Հուլիսը եղել է BYD-ի ամենահաջող ամիսը
Կասեցվել է «Ծիրան» սուպերմարկետում գործող հացի արտադրամասի գործունեությունը՝ սանիտարական խախտումների...
Վարչապետ Փաշինյանը երկօրյա աշխատանքային այցով մեկնել է Ղրղզստան
Արիանա Գրանդեն որոշել է ժամանակավորապես հեռանալ հանրային տեսադաշտից
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
ԲՏԱ նոր փոխնախարարը սովորել է Նիդերլանդներում
Որքան է կազմում ՀՀ մշտական բնակչությունը
Բերնարդու Սիլվան «Մանչեսթեր Սիթիից» տեղափոխվել է Մադրիդի «Ռեալ»