ԵՄ դեսպանները վերսկսում են բանակցությունները Ուկրաինային տրամադրվող 90 միլիարդ եվրոյի վարկի շուրջ

Եվրամիության ղեկավարները նախնական հավանություն են տվել Մեծ Բրիտանիայի հասանելիությանը Ուկրաինային սպառազինություն մատակարարելու պայմանագրերին։ Այս մասին հայտնում է Financial Times պարբերականը՝ հղում անելով տեղեկացված աղբյուրներին։

Երկուշաբթի օրը կայանալիք բանակցություններից առաջ տարածված նոր փոխզիջումային տարբերակը ենթադրում է, որ Լոնդոնը պետք է մասնակցի վարկի տոկոսային ծախսերի վճարմանը։

Եթե դեսպանները համաձայնություն տան, Եվրահանձնաժողովին կհանձնարարվի Լոնդոնի հետ բանակցել արդարացի մուծում կատարելու շուրջ, գրում է պարբերականը։

Ավելի վաղ բանակցությունները ձգձգվել էին ծրագրին մասնակցելու համար 6,7 միլիարդ եվրոյի չափով մուծում կատարելու հարցում՝ Լոնդոնի դժկամության պատճառով։ Մեծ Բրիտանիան առաջարկել է պահանջվող գումարի ընդամենը 1%-ը, ինչից հետո Եվրահանձնաժողովը նվազեցրել է պահանջը մինչև 2 միլիարդ եվրո։