Ռեալի նախկին աստղի որդին կարող է դառնալ Մխիթարյանի թիմակիցը

Բրազիլիայի ազգային հավաքականի անվանի հարձակվող Ռոբինյոյի որդին՝ Ռոբինյո Ժունիորը, հայտնվել է Միլանի «Ինտերի» ուշադրության կենտրոնում։

ESPN-ի տեղեկություններով՝ իտալական գրանդը պատրաստակամություն է հայտնել 18 միլիոն եվրո վճարել «Սանտոսի» եզրային հարձակվողի տրանսֆերի դիմաց։ Նշվում է, որ գործարքը կարող է կայանալ արդեն այս ձմեռային տրանսֆերային պատուհանի ընթացքում, թեպետ բրազիլական ակումբը դեռևս հակված չէ բաժանվել խոստումնալից ֆուտբոլիստից։

18-ամյա Ռոբինյո Ժունիորը «Սանտոսի» կազմում մինչ օրս մասնակցել է 19 հանդիպման՝ աչքի ընկնելով մեկ գոլային փոխանցմամբ։

Հիշեցնենք, որ նրա հայրը՝ Ռոբինյո ավագը, հարուստ կարիերա է ունեցել եվրոպական ֆուտբոլում՝ պաշտպանելով «Միլանի», Մադրիդի «Ռեալի», «Մանչեսթեր Սիթիի» և մի շարք այլ ակումբների գույները։ Բրազիլիայի ազգային հավաքականի կազմում անցկացրած 100 հանդիպման ընթացքում նա դարձել է 28 գոլի հեղինակ։ Ռոբինյոն պրոֆեսիոնալ կարիերան ավարտել է 2020 թվականին։

armsport.am