Անկարայում տեղի ունեցած ինքնաթիռի վթարի հետևանքով յոթ մարդ է զոհվել

Անկարայում կործանված ինքնաթիռում յոթ մարդ է եղել, այդ թվում՝ Լիբիայի գլխավոր շտաբի պետ Մոհամմեդ Ալի ալ-Հադդադը: Այս մասին հայտնում է Թուրքիայի նախագահի աշխատակազմի հաղորդակցության վարչության պետ Բուրհանեթթին Դուրանը։

Մուհամմեդ ալ-Հադդադը և նրան ուղեկցող անձինք զոհվել են ինքնաթիռի կործանման ժամանակ, որը ռադարներից անհետացել է Անկարայից թռիչքից կարճ ժամանակ անց։ Թուրքիայի արդարադատության նախարար Յիլմազ Թունչի խոսքով՝ Անկարայի գլխավոր դատախազությունը հետաքննություն է սկսել միջադեպի վերաբերյալ։