Ճապոնացի նախարարը նկատողություն է ստացել Կուրիլյան կղզիներն «արտասահմանյան» անվանելու համար
Ճապոնիայում Օկինավայի և Հյուսիսային տարածքների (ինչպես երկրում հայտնի են հարավային Կուրիլյան կղզիները) հարցերով նախարար Հիտոշի Կիկավադան նկատողություն է ստացել այդ տարածքներն «արտասահմանյան» անվանելու համար, հաղորդում է MKRU-ն՝ «Կիոդո» գործակալության փոխանցմամբ։
Մինչդեռ, ըստ գործակալության, պաշտոնական Տոկիոն փորձում է վիճարկել կղզիների պատկանելությունը։
Կիկավադային նկատողություն է արել Ճապոնիայի կառավարության քարտուղար Մինորու Կիհարան։
Կիկավադան նոյեմբերի 8-ին Նոսապու հրվանդանից հեռակա ստուգում է անցկացրել Կուրիլյան կղզիների հարավային մասում։ Այս պրակտիկան տարածված է ճապոնացի պաշտոնյաների շրջանում։ Ստուգման ժամանակ նա հայտարարել է, որ ի վերջո, իրենք այստեղ ավելի մոտ ենք արտասահմանին։
Նախարարի հայտարարությունը խառը արձագանք է առաջացրել Ճապոնիայում, քանի որ այն կարող էր մեկնաբանվել որպես կղզիների Ռուսաստանին պատկանելության ճանաչում։ Այդ պատճառով կառավարության քարտուղարը նկատողություն է արել նրան։
Նշենք, որ Կուրիլյան կղզիները ԽՍՀՄ մաս են դարձել Երկրորդ համաշխարհային պատերազմից հետո։ Սակայն Տոկիոն վիճարկում է Իտուրուպի, Կունաշիրի, Շիկոտանի և մի շարք փոքր անմարդաբնակ կղզիների պատկանելությունը։ Միևնույն ժամանակ, Մոսկվան բազմիցս ընդգծել է, որ այդ տարածքների նկատմամբ Ռուսաստանի ինքնիշխանությունը կասկածի տակ չի դրվում։
Կասեցվել է «Ծիրան» սուպերմարկետում գործող հացի արտադրամասի գործունեությունը՝ սանիտարական խախտումների...
Տուլայում ԱԹՍ հարվածի հետևանքով Wildberries-ի պահեստ է հրդեհվել
Հուլիսը եղել է BYD-ի ամենահաջող ամիսը
Վահագն Ալեքսանյանն ընտրվեց Ազգային ժողովի նախագահի տեղակալ
Վարչապետ Փաշինյանը երկօրյա աշխատանքային այցով մեկնել է Ղրղզստան
Որքան է կազմում ՀՀ մշտական բնակչությունը
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
ԲՏԱ նոր փոխնախարարը սովորել է Նիդերլանդներում
Կասեցվել է «Օստ»-ի երկու արտադրատեսակների արտադրությունը
Չուամենին և Կամավինգան գերադասում են մնալ Մադրիդում