«Թումանյանի» այգում 14-ամյա տղաների ծեծկռտուքի հետևանքով նրանցից մեկը տեղափոխվել է հիվանդանոց
SHAMSHYAN.com-ի տեղեկություններով՝ սեպտեմբերի 5-ին վիճաբանություն-ծեծկռտուք է տեղի ունեցել Երևանում։ Ժամը 11։30-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Մաշտոցի բաժնում օպերատիվ տեղեկություն է ստացվել, որ Շինարարների փողոցի շենքերի մեկի բնակարաններից մեկից ծեծի ենթարկվելու հետևանքով «ուղեղի ցնցում» ախտորոշմամբ «Արմենիա» բժշկական կենտրոն է տեղափոխվել մի երեխա, ով այնուհետև տեղափոխվել է «Սուրբ Աստվածամայր» բժշկական կենտրոն։
Ինչպես հայտնում է ֆոտոլրագրող Գագիկ Շամշյանը, հիվանդանոց մեկնած ոստիկանության Մաշտոցի բաժնի ծառայողները պարզել են, որ երեխան նշված հասցեի բնակիչ 14-ամյա Ռ․ Հ․-ն է։
Գ․ Շամշյանի տեղեկություններով երեխայի հայրը բժիշկներին հայտնել է, որ սեպտեմբերի 4-ին ժամը 19։00-ից մինչև 20։00-ն ընկած ժամանակահատվածում «Թումանյանի» անվան զբոսայգում վիճաբանություն է ծագել իր որդու և 2 հասակակից տղաների միջև, որի ժամանակ էլ վերջիններս ձեռքերով հարվածներ են հասցրել Ռ․ Հ․-ի դեմքին և գլխին՝պատճառելով մարմնական վնասվածքներ։
ՀՀ ՆԳՆ ոստիկանության համայնքային ոստիկանության գլխավոր վարչության Մաշտոցի բաժնի ծառայողները ստացված օպերատիվ տեղեկությունները իրացնելիս և ձեռնարկված միջոցառումների շնորհիվ պարզել են, որ Ռ․ Հ․-ին մարմնական վնասվածքներ են պատճառել Երևանի բնակիչներ 14-ամյա Է․ Ղ․-ն և 14-ամյա Է․ Գ․-ն։
Դեպքի փաստով ոստիկանության Մաշտոցի բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Երևան քաղաքի քննչական վարչության Աջափնյակ և Դավիթաշեն վարչական շրջանների քննչական բաժին։
Կասեցվել է «Ծիրան» սուպերմարկետում գործող հացի արտադրամասի գործունեությունը՝ սանիտարական խախտումների...
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
Ինչպե՞ս վարվել երկրաշարժի ժամանակ․ ՆԳ նախարարությունն իրազեկում է
Հյուրանոցներին աստղեր կշնորհի Հայաստանի հյուրանոցների ասոցիացիան
Առանց տեղումների եղանակ, երեկոյան սպասվում է կարճատև անձրև
Վարչապետ Փաշինյանի ելույթը Եվրասիական միջկառավարական խորհրդի նիստին
ՊԵԿ-ը խոշոր առևտրի կենտրոնում բացահայտել է 1,3 մլրդ դրամի թաքցված հարկման օբյեկտ
Թաիլանդի դպրոցում աշակերտը կրակոցներ է արձակել. կան զոհեր
ԵԱՏՄ անդամ պետությունների փոխգործակցությունը երրորդ գործընկերների հետ չպետք է ընկալվի որպես զրոյական...
ՄԱԿ-ի անունից ցանկանում եմ վստահեցնել Ձեզ, Կառավարությանը և Հայաստանի ժողովրդին մեր շարունակական աջա...