Եզդի Նադյա Մուրադ. ԻՊ սարսափներից փախած նախկին սեքս ստրկուհու պատմությունը
Դուք պետք է որոշեք, ինչպես է դասավորվելու իմ նմանների կյանքը՝ կապրենք խաղաղության մե՞ջ, թե՞ նորից բռնության կենթարկվենք: Այս մասին հայտարարել է ԻՊ զինյալների գերությունից փախած եզդիական ծագմամբ իրավապաշտպան Նադյա Մուրադը՝ ՄԱԿ-ում ԻՊ կողմից գրաված տարածքներում կանանց իրավունքների խախտման վերաբերյալ զեկույցով ելույթ ունենալով, հաղորդում է Life.ru- ն:
«The Last Girl: My Story of Captivity and My Fight Against the Islamic State» գրքում Նադյան պատմում է այն մասին, թե ինչպես Իրաքի Կոչո գյուղում իր անհոգ պատանեկությունը իսլամիստների գալուց հետո դժոխքի վերածվեց:
ԻՊ զինյալները երկու շաբաթվա շրջապատումից հետո գրավեցին գյուղը: Ահաբեկիչները բոլոր բնակիչներին հավաքեցին դպրոցական բակում եւ հարցրեցին՝ ուզում են նրանք մուսուլմաններ դառնալ:
Ներկաներից ոչ ոք չդավաճանեց իր կրոնին: Այդ ժամանակ զինյալները բոլոր տղամարդկանց ստիպեցին իրենց համար եղբայրական գերեզման փորել, որի մեջ զանգվածային մահապատժից հետո նետվեցին նրանց մարմինները:
Երիտասարդ կանանց զինյալներն իրենց հետ տարան: Նրանց թվում էր նաեւ 21-ամյա Նադյան: Զինյալները նրան հայտնեցին, որ այսուհետ նա «Իսլամական պետության» սեփականությունն է եւ սեքս ստրկուհու գործառույթներ է իրականացնելու, իսկ դաշտային հրամանատարներից մեկը ծխախտով այրեց նրա ուսը եւ որովայնը:
Երբ Նադյային այլ աղջիկների մոտ տարան, որոնց նույն դաժան բաժինն էր հասել, նա իմացավ, որ գերուհիներից շատերը պատրաստ են իքնասպան լինել:
Երբ հսկա տղամարդը մտավ սենյակ եւ որպես ստրկուհի Նադյային ընտրեց, նա չկարողացավ զսպել հուսահատության ճիչը:
«Նա հրեշի նման էր»,—հիշում է աղջիկը: Հետագայում նա կարողացավ մեկ այլ զինյալի, որն ավելի փոքրամարմին էր, համոզել տանել իրեն իր հետ:
Նադյայի համար ստրկուհու կարգավիճակը հաստատող փաստաթուղ պատրաստեցին:
Այնուհետ նա տեղափոխվեց ապրելու իր տիրոջ հետ՝ Հաջի Սալման անունով մարդու, որը ԻՊ-ում հեղինակավոր դատավորի պաշտոն ուներ:
«Դու իմ չորրորդ ստրկուհին ես, — Նադյային ասաց նա: — Նախորդ երեքը իսլամ են ընդունել: Մենք դա ձեզ՝ եզդիների համար ենք անում: Մենք ձեզ օգնում ենք իրական հավատք ունենալ»:
Երբ մտան նրա տուն, Հաջին խնդրեց Նադյային լոգանք ընդունել, ամբողջ մարմնի վրա մազահեռացնող քսուք քսել եւ կարճ զգեստ հագնել:
«Անկողնում նա այքնան բարձր էր գոռում, կարծես ուզում էր, որ ամբողջ Մոսուլը լսի, որ ինքը նոր ստրկուհի ունի: Եթե ես փակում էի աչքերս, նա ծեծում էր ինձ»,-պատմում է Նադյան:
Մի անգամ Նադյան որոշեց փախուստի դիմել: Պատուհանից պարանով իջնելով՝ նա հանդիպեց պահակին եւ վերջինս զանգեց տիրոջը: Հաջի Սալմանը տուն եկավ եւ 6 զինյալների հերթով հրամայեց բռնաբարել աղջկան:
Նրան մեկ շաբաթ բռնաբարում եւ ծեծում էին: Ի վերջո նա փոխանցվեց մեկ այլ տղամարդու, որը որոշեց նրան Սիրիա տանել: Տեղափոխումը ձգձգվում էր եւ Նադյային որոշ ժամանակ հանգիստ թողեցին:
Առաջին իսկ ստեղծված հնարավորության դեպքում նա փորձում էր փախչել: Բարեբախտաբար, անհայտ պատճառով դռներից մեկը բաց էր մնացել:
Նադյան գնում էր մի ամբողջ օր եւ գիշեր: Հագնելով դեմքը ծածկող ավանդական մուսուլմանական զգեստ, Նադյան անցորդների մոտ կասկած չէր առաջացնում, թեեւ ամբողջ ճանապարհին վախից դողում էր:
Ի վերջո նա հասավ Մոսուլի ամենաաղքատ շրջանին եւ օգնություն աղերսելով՝ թակեց իր տան նման մի տան դուռ: Դուռը բացվեց եւ ինչ-որ մեկի ձեռքերը նրան ներս քաշեցին:
Նադյայի բախտը բերեց: Տունը պատկանում էր մարդկանց, ովքեր համամիտ չէին ԻՊ քաղաքականության հետ: Նրանք փախուստի ծրագիր կազմեցին, որպեսզի աղջիկը կարողանա ամբողջ աշխարհին պատմի, ինչպես են ահաբեկիչները վերաբերվում կականց: Նրա փրկիչներից մեկը՝ Նասերը՝ իր ավտոմեքենայով մինչեւ ԻՊ սահման ճանապարհեց աղջկան:
Որքան էլ տարօրինակ է, ծրագիրն իրականացավ, եւ Նադյան հասավ փախստականների ճամբար, որտեղ եղբայրների հետ հանդիպեց: Այստեղ նա իմացավ, որ իր մորը գնդակահարել են եւ գյուղի բնակիչների հետ ընդհանուր գերեզմանում թաղել: 5 եղբայրներին մահապատժի են ենթարկել: Զարմիկին ԻՊ զինյալները կարողացել են ընդգրկել իրենց շարքերը, եւս երկու քույրերը գերության մեջ էին:
Նադյան ողջ մնացած եղբայրներին սեքս ստրկության մասին չպատմեց: Սակայն շուտով, ճամբարում աշխատող լրագրողները համոզեցին նրան տեսախցիկի առջեւ պատմել իր պատմություն: Մեկ տարի անց նա ՄԱԿ-ում ելույթ ունեցավ:
Ներկայումս եզդիների ավելի քան 3 հազար կանայք եւ երեխաներ զինյալների մոտ գերության մեջ են:
Գերությունից ազատված Նադյայի քույրերը աշխարհի տարբեր աշխարհներում են հայտնվել: Մեկը Քուրդիստանում է, մույսը՝ Նադյայի հետ Շտուտգարտի մերձակայքում է ապրում:
2016 թվականին ՄԱԿ թմրամիջոցների եւ հանցավորության դեմ պայքարի վարչությունը Նադյային որպես բարի կամքի դեսպան ընտրեց մարդկանց թրաֆիքինգի մասին տեղեկատվության տարածման համար: Նա նաեւ Խաղաղության Նոբելյան մրցանակի է առաջադրվել եւ դարձել է 2016 թվականի ամենաազդեցիկ մարդկանցից մեկը, ըստ Time ամսագրի: