Արեւելյան գործընկերության գագաթնաժողովն ուղիղ եթերում
11. 45 Ժամանեց նաև Սերժ Սարգսյանը։ Նա անցավ այն պահին, երբ Բելառուսի ներկայացուցիչը հարցերի էր պատասխանում։ Եւ Սերժ Սարգսյանին հարցեր չտրվեցին։
11. 30 Երկու հարյուրից ավելի տեսախցիկներ այս պահին սպասում են ԱԼԳ համաժողովին մասնակցող նախագահների ժամանելուն։ Առավոտյան ժամը վեցից արդեն լրագրողները ոտքի վրա են։ Դեպի ԵՄ շենք ճանապարհներին հսկողություն է։
Բրյուսելում ժամը 11.00-ին մեկնարկում է Արևելյան գործընկերության գագաթնաժողովը։
Եվրամիության ու Արևելյան գործընկերության վեց երկրների առաջնորդներն այսօր կհանդիպեն Բրյուսելում՝ խորացնելու կապերը Միության և նախկին խորհրդային հանրապետությունների միջև:
Այս գագաթնաժողովին սպասվում է Հայաստանի հետ Համապարփակ և ընդլայնված գործակցության համաձայնագրի կնքում Հայաստանի հետ:
Հիշեցնենք, 2013 թվականի սեպտեմբերին Հայաստանը հրաժարվեց ԵՄ հետ Ասոցացման համաձայնագրից և ստորագրեց Մաքսային միությանը, ապա՝ Եվրասիական տնտեսական միությանն անդամակցության հուշագիրը։ Տարիներ անց՝ 2017-ի մարտին, Հայաստանը և Եվրամիությունը հարաբերությունները խորացնելու համար նախաստորագրեցին մեկ այլ՝ համապարփակ շրջանակային համաձայնագիր, որը քիչ հավակնոտ է, քան Ասոցացման համաձայնագիրը:
Գագաթնաժողովին կարող եք հետևել ուղիղ հեռարձակմամբ։