Կանադացիները ձերբակալվել են՝ բազմոցին նստած McDonaldʼs գնալու համար
Կանադայի Նյու Բրանսուիք քաղաքի երկու բնակիչներ են ձերբակալվել՝ բազմոցին նստած McDonaldʼs գնալու համար։ Ի դեպ, բազմոցը քարշ է տվել կվադրոցիկլը։ Օրինախախտներին նկատել է ոստիկանն ու ձերբակալել, հաղորդում է CTV News-ը։
«Երբ սպան միացրեց իր ավտոմեքենայի լույսերը, կվադրոցիկլն, իհարկե, միանգամից արագացրեց ընթացքը եւ անհետացավ տեսադաշտից: Բազմոցը նախկինի պես ամրացված էր կվադրոցիկլին, իսկ ուղեւորները մնացին «Մաքդոնալդս»-ի մոտ։ Նրանք հարբած վիճակում էին»,-հայտնել է ոստիկանության ներկայացուցիչը։
Ավելի ուշ կվադրոցիկլը հայտնաբերվել եւ առգրավվել է, սակայն վարորդին դեռեւս չի հաջողվել գտնել։ Երկու ձերբակալվածներին առաջիկայում մեղադրանք կներկայացվի, սակայն կոնկրետ ինչպիսի՝ ոստիկանները չեն հայտնում։
Իսկ հայերը երազում են Կանադայում ապրելու մասին
Կանադայում ձերբակալել են մզկիթում հրաձգության մեջ կասկածվողներին