Հայտնաբերվել է աշխարհի ամենաքաղցրակերը, որը երբեք շաքարախտով չի հիվանդանում

Չղջիկների տեսակներից մեկն ամեն օր իր քաշից երկու անգամ ավելի շատ քաղցր մանգո, բանան և թուզ է ուտում,: Այս կաթնասուններն ամենաքաղցրակերներն են, բայց նրանց մոտ երբեք շաքարախտ չի զարգանում, գրում է Popular Science-ը։

Նոր հետազոտությունը ցույց է տվել, որ գենետիկական հարմարվողականությունները թույլ են տալիս այս չղջիկներին պաշտպանվել շաքարի մեծ քանակի օգտագործման հետ կապված հիվանդություններից, հայտնում է Focus-ը։ Գիտնականները կարծում են, որ հետազոտության արդյունքները կարող են լայնածավալ ազդեցություն ունենալ մարդկանց մոտ շաքարախտի բուժման վրա:

«Շաքարախտի ժամանակ մարդու օրգանիզմը չի արտադրում կամ հայտնաբերում ինսուլին, ինչը կարող է հանգեցնել արյան շաքարի մակարդակը վերահսկելու հետ կապված խնդիրների: Սակայն այս չղջիկները ունեն գենետիկ համակարգ, որը, անկախ սննդակարգից, վերահսկում է նրանց արյան շաքարի մակարդակը: Մենք փորձում ենք հասկանալ այս համակարգը՝ բարելավելու բուժումը մարդկանց համար, ովքեր զգայուն են ինսուլինի կամ շաքարի նկատմամբ», - ասում է Սան Ֆրանցիսկոյում Կալիֆորնիայի համալսարանից հետազոտության համահեղինակ Նադավ Ահիտովը։

Նրանք պարզել են, որ չղջիկների ենթաստամոքսային գեղձի և երիկամների բաղադրությունը զարգացել է, որպեսզի համապատասխանի նրանց քաղցր սննդակարգին: Ենթաստամոքսային գեղձն ունի ավելի շատ բջիջներ՝ ինսուլին արտադրելու համար՝ կարևոր հորմոն, որը ստիպում է օրգանիզմին իջեցնել արյան շաքարի մակարդակը: Այն նաև ունի ավելի շատ բջիջներ, որոնք արտադրում են շաքարը կարգավորող մեկ այլ հորմոն՝ գլյուկագոն:

Հետազոտողները նաև տեսել են, որ այս բջիջներում կարգավորող ԴՆԹ-ն զարգացել է՝ միացնելու կամ անջատելու համար համապատասխան գեները, որոնք ներգրավված են մրգերի նյութափոխանակության մեջ: