Չեմ հասկանում, Հայաստանի իշխանությունները մենակ փախնելու համար ե՞ն. արցախցի

ՀՀ աշխատանքի և սոցիալական հարցերի նախարարության դիմաց բողոքի ակցիա են իրականացնում Հադրութից, Շուշիից և Արցախի այլ օկուպացված բնակավայրերից բռնի տեղահանված արցախցիները, որոնք ամիսներով չեն ստացել իրենց թոշակները: Ակցիայի մասնակիցներից մի մասը տարիքային թոշակառուներն են, մյուսը՝ զինվորական թոշակառուներ, որոնք ուժային կառույցների երկարամյա ծառայության դիմաց ստացած թոշակները նույնպես չեն ստացել տևական ժամանակ: Այդ ընթացքում ակցիայի մասնակիցները հանդիպեցին Աշխատանքի և սոցիալական հարցերի նախարար Նարեկ Մկրտչայնին, ով շտապում էր կառավարություն։

«Հիմա կառավարությունում այս հարցով քննարկման եմ, հետ վերադառնամ, կպատասխանեմ հարցերին», - ասաց նախարարը։

«Գոնե հարգանք ունենար կանգներ ասեր՝ հարգելի սպաներ ձեր խնդիրը հասկանում եմ ու ձեր խնդրով գնում եմ կառավարություն, այլ ոչ թե՝ արհամարհեր ու գնար , չեմ հասկանում, Հայաստանի իշխանություները մենակ փախնելու համար ե՞ն, գոնե հարգանք ունենար կանգներ, խոսեր»,-ասաց արցախցի մայոր Արմեն Պետրոսյանը