Չինաստանն աշխարհում առաջինն է, որը արտոնագրել է անօդաչու թռչող տաքսին

eVTOL eHang EH 216 օդային տաքսիի կոնցեպտը ներկայացվել է CES ցուցահանդեսում՝ 2016-ին: Յոթ տարվա ընթացքում ընկերության ինժեներները նախատիպը վերածեցին տաքսիի, որը լիովին պատրաստ էր ուղեւորներ տեղափոխելու համար։ Այն վերջերս արտոնագրել են չինական կարգավորիչները ներքին շուկայում կոմերցիոն հիմունքներով ուղևորափոխադրումների համար: Թռչող սարքը կարող է շարժվել մինչև 130 կմ/ժ արագությամբ՝ երկու ուղևորով, և ունի մոտ 30 կիլոմետր վազքի հնարավորություն։

Արտոնագիր տրամադրելու որոշման վրա ազդող կարևոր գործոնը դիզայնի ապացուցված հուսալիությունն ու պարզությունն էր: Մոդելը մոտ 40 հազար հաջող փորձնական թռիչք է իրականացրել երկրի տարբեր շրջանների փոքր հեռավորության զբոսաշրջային երթուղիներով: EH 216-ը հիմնված է 16 պտուտակային սխեմայի վրա, որը սնուցվում է վերալիցքավորվող մարտկոցներով: Միաժամանակ ապահովվում է համակարգերի բազմակի կրկնօրինակում, որն ապահովում է հուսալիության բարձր մակարդակ և, համապատասխանաբար, անվտանգություն:

eHang ընկերության էլեկտրական օդային տաքսին համարվում է ավելի անվտանգ, քան դասական շարժիչ ունեցող ցանկացած ինքնաթիռ: Միևնույն ժամանակ, ենթադրվում է, որ EH 216-ի վթարների և անկումների հնարավոր փաստերը թաքցրել են Չինաստանի իշխանությունները և չեն լուսաբանվել պետության վերահսկած տեղական լրատվամիջոցների կողմից։ Բայց դա քիչ հավանական է թվում՝ հաշվի առնելով սարքի դիզայնի պարզությունը: Մինչ մնացած աշխարհը խխունջի արագությամբ շարժվում է դեպի օդային տաքսիների սերտիֆիկացում, Չինաստանը դարձել է աշխարհում առաջին երկիրը, որտեղ այն արդեն կարող է լայն տարածում ստանալ:

Սա Չինաստանին առավելություն կտրամադրի արտերկրի մրցակիցների նկատմամբ, իսկ eHang-ը կդառնա ոլորտում համաշխարհային մակարդակի առաջատար: Սա ավելի հավանական է, եթե հաշվի առնենք, որ ԵՄ-ում նմանատիպ մեքենաների հավաստագրումը սպասվում է միայն 2024 թվականից հետո: