ՄԱԿ-ի գրասենյակի հայ աշխատողներ, եթե հայ եք, պետք է դիմում գրեք ու ազատվեք այդ կառույցից. Ակցիայի մասնակից
Այն, ինչ տեղի է ունենում այսօր Արցախում, տեռորիզմ է, այլ կերպ կոչել չի կարելի: Այս մասին այսօր՝ հուլիսի 17-ին, ՄԱԿ-ի գրասենյակի մոտ բողոքի ակցիայի ժամանակ նշեց Արցախի առողջապահության նախարարությանը կից մասնագիտական խորհրդի անդամ, բժիշկ Արամայիս Գալումյանը:
«Դա տեռորիզմ է մի պետության կողմից, որը ոչ տեռորիստական մասնավոր խմբավորում է, ոչ ինչ-որ այլ շահեր հետախպնդող, այլ տեռորիստ պետություն իր ավագ ընկեր տեռորիստ պետությունով, իր տեռորիստ բարեկամներով, որը գործում է մարդու իրավունքների պաշտպանության զբաղվող միջազգային կազմակերպությունների ու կառույցների լուռ համաձայնությամբ: Այն, ինչ մենք այսօր տեսնում ենք, չտեսնված մի երեւույթ է, երբ կարելի է 120 հազար էթնիկ բնակչությանը շրջափակել, կտրել տարրական ննդի հնարավորությունի, առողջություն ստանալու հնարավորությունից: Սա ի՞նչ է, եթե ոչ տեռորիզմ:
Այստեղ պատասխանատու են բոլոր միջազգային մեծ կառույցները, որոնք կոչվում են հումանիտար, բոլոր մեծ պետությունները, որոնք աշխարհում կարգեր են հաստատում: Մենք պահանջում ենք Արցախի բնակչությանն պահովել առողջապահությամբ, սնունդով, ճանապարհով եւ ամեն ինչով, որովհետեւ խաբված է հայությունը, Արցախը ամբողջ աշխարհի կողմից»,-հայտարարեց նա:
Այնուհետեւ Արամայիս Գալումյանը դիմեց ՄԱԿ-ի հայ աշխատակիցներին. «Եթե դուք չեք անելու ամեն ինչ, որպեսզի ՄԱԿ-ը իրագործի այն պահանջները, ինը ներկայացրեցի, մի քանի օրվա մեջ բոլորով պետք է դիմում գրեք եւ ազատվեք աշխատանքից: Եթե կոչվում եք հայ եւ աշխատում եք մարդկության համար: Դուք կրթված մարդիկ եք, կկարողանաք այլ աշխատանքի տեղ գտնել: Սա պահանջ է: Կամ միանում եք շարժմանը, կամ մնում եք որխպես աշխատող եւ մտածեք ձեր խղճի մասին»:
Նշենք, որ այսօր Արցախի պետնախարար Գուգեն Ներսիսյանը Facebook-ի իր էջում տեղեկացրել էր, որ Արցախում մեկնարկած համաժողովրդական շարժումը այսօրվանից կծավալվի նաև Հայաստանի Հանրապետությունում. «Առավոտյան ժամը 11։00-ից ՀՀ-ում Արցախի ներկայացուցչության և Արցախի կառավարության օպերատիվ շտաբի համակարգմամբ կկազմակերպվեն Արցախում ստեղծված իրավիճակի վերաբերյալ իրազեկման ակցիաներ։ Կոչ եմ անում բոլորին միանալ շարժմանը և մասնակից դառնալ նախատեսված միջոցառումներին.,-գրել էր նա:
Նշենք, որ ակցիայի մասնակիցները ՄԱԿ-ի գրասենյակի մոտից շարժվելու են նաեւ դեպի ՌԴ դեսպանության շենք:
Կասեցվել է «Ծիրան» սուպերմարկետում գործող հացի արտադրամասի գործունեությունը՝ սանիտարական խախտումների...
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
ԲՏԱ նոր փոխնախարարը սովորել է Նիդերլանդներում
ՀՀ շրջանների մեծ մասում սպասվում է կարճատև անձրև և ամպրոպ, հնարավոր է կարկուտ
Ինչպե՞ս վարվել երկրաշարժի ժամանակ․ ՆԳ նախարարությունն իրազեկում է
Հյուրանոցներին աստղեր կշնորհի Հայաստանի հյուրանոցների ասոցիացիան
Առանց տեղումների եղանակ, երեկոյան սպասվում է կարճատև անձրև
Ղրղզստանում մեկնարկել է Եվրասիական միջկառավարական խորհրդի նեղ կազմով նիստը
Վարչապետ Փաշինյանի ելույթը Եվրասիական միջկառավարական խորհրդի նիստին
ՄԱԿ-ի անունից ցանկանում եմ վստահեցնել Ձեզ, Կառավարությանը և Հայաստանի ժողովրդին մեր շարունակական աջա...