«Նա հիվանդ ու դժբախտ մարդ է»․ Վոլոդինն առաջարկել է Բայդենին բուժել Ռուսաստանում
ԱՄՆ նախագահ Ջո Բայդենը «հիվանդ և դժբախտ մարդ է», ԱՄՆ-ում այնպիսի բժիշկներ չկան, որոնք կարող են նրան օգնել, հետևաբար, ճիշտ է նրան բժշկական օգնություն առաջարկել Ռուսաստանում, ասել է ՌԴ Պետդումայի խոսնակ Վյաչեսլավ Վոլոդինը՝ լիագումար նիստի ժամանակ։
«Նա ծանր հիվանդ ու դժբախտ մարդ է, և պետք է նկատի ունենալ նաև, որ ԱՄՆ-ում լավ բժիշկներ չկան, որոնք կօգնեն նրան հաղթահարել հիվանդությունները, որոնք Բայդենն ունի: Մեր Սերբսկու անվան ինստիտուտում կան այդպիսի մասնագետներ (Սերբսկու ինստիտուտը առաջատար հաստատություն է հոգեբուժության, դատաբժշկական փորձաքննության և հոգեբուժական փորձաքննության գիտական հիմքերի զարգացման ոլորտում-խմբ․)»,- ասել է Վոլոդինը, ապա, դիմելով Պետդումայի միջազգային հարաբերությունների հանձնաժողովի նախագահ Էդուարդ Սլուցկիին, հավելել է,- «Լեոնիդ Էդուարդի, ճիշտ կլինի նրան բժշկական օգնություն առաջարկել»։
Վյաչեսլավ Վոլոդինը նշել է նաև, որ ԱՄՆ ավելի ու ավելի է մեծացնում լարվածությունն աշխարհում, ուստի մասնագետների պարտքն է բուժօգնություն տրամադրել Բայդենին։
«Այդ ժամանակ բոլոր պետություններում հանգստություն կտիրի, խաղաղություն կլինի, այդ պատճառով է պետք դրանով զբաղվել։ Նա տանջվում է, և տանջվում են ահռելի թվով մարդիկ։ Ավելի լավ է՝ օգնեք նրան»,- նշել է Վոլոդինը։
Կասեցվել է «Ծիրան» սուպերմարկետում գործող հացի արտադրամասի գործունեությունը՝ սանիտարական խախտումների...
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
ԲՏԱ նոր փոխնախարարը սովորել է Նիդերլանդներում
ՀՀ շրջանների մեծ մասում սպասվում է կարճատև անձրև և ամպրոպ, հնարավոր է կարկուտ
Ինչպե՞ս վարվել երկրաշարժի ժամանակ․ ՆԳ նախարարությունն իրազեկում է
Հյուրանոցներին աստղեր կշնորհի Հայաստանի հյուրանոցների ասոցիացիան
Առանց տեղումների եղանակ, երեկոյան սպասվում է կարճատև անձրև
Ղրղզստանում մեկնարկել է Եվրասիական միջկառավարական խորհրդի նեղ կազմով նիստը
Վարչապետ Փաշինյանի ելույթը Եվրասիական միջկառավարական խորհրդի նիստին
ՄԱԿ-ի անունից ցանկանում եմ վստահեցնել Ձեզ, Կառավարությանը և Հայաստանի ժողովրդին մեր շարունակական աջա...