Եվրախորհրդարանը՝ Բորելին. որո՞նք են երաշխիքները, որ Ադրբեջանը ԵՄ-ին ռուսական գազ չի վաճառում
Եվրախորհրդարանի պատգամավոր Նատալի Լոիզոն այսօր՝ հունիսի 13-ին, Ստրասբուրգում Ադրբեջանի կողմից Լեռնային Ղարաբաղի շրջափակման շուրջ ստեղծված իրավիճակի քննարկման ժամանակ դիմել է ԵՄ դիվանագիտության ղեկավար Ժոզեպ Բորելին՝ այն հարցով, թե որո՞նք են այն երաշխիքները, որ Ադրբեջանը ԵՄ-ին ռուսական գազ չի վաճառում։
Լոիզոն հիշեցրեց, որ մոտ մեկ տարի առաջ Եվրահանձնաժողովի ղեկավար Ուրսուլա ֆոն դեր Լեյենն Ադրբեջանն անվանել էր «վստահելի» գործընկեր և հետաքրքրվեց, թե արդյոք դա է պատճառը, որ Եվրահանձնաժողովը Լեռնային Ղարաբաղի հայերին օգնելու համար ոչինչ չի անում:
Նա ընդգծեց, որ Ադրբեջանը չի կարող բավարար քանակությամբ գազ արտադրել, և արդյոք, ի վերջո, չի պարզվի, որ Բաքուն ԵՄ է տեղափոխում Ռուսաստանից ներկրվող գազը։
Ի պատասխան՝ Բորելը հայտարարեց, որ ԵՄ-ի և Ադրբեջանի միջև էներգետիկ գործընկերությունը «նույնիսկ նվազագույն չափով չի ազդել Եվրամիության և դրա դիրքորոշման վրա՝ կապված Ադրբեջանի և Հայաստանի միջև հակամարտության հետ»։
«Եվրամիությունը շատ հավասարակշռված դիրքորոշում ունի, որը ճանաչվել է հակամարտության երկու կողմերի կողմից։ Եվ դա մեզ՝ որպես լավ, ազնիվ միջնորդի, թույլ է տվել նպաստել կոնկրետ այս հակամարտության կարգավորմանը»,- ասաց նա՝ հավելելով, որ էներգետիկ գործընկերությունը չի իրականացվում մարդու իրավունքների հարցում Ադրբեջանի քննադատության հաշվին։
Կասեցվել է «Ծիրան» սուպերմարկետում գործող հացի արտադրամասի գործունեությունը՝ սանիտարական խախտումների...
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
Ինչպե՞ս վարվել երկրաշարժի ժամանակ․ ՆԳ նախարարությունն իրազեկում է
Հյուրանոցներին աստղեր կշնորհի Հայաստանի հյուրանոցների ասոցիացիան
Առանց տեղումների եղանակ, երեկոյան սպասվում է կարճատև անձրև
Վարչապետ Փաշինյանի ելույթը Եվրասիական միջկառավարական խորհրդի նիստին
ՊԵԿ-ը խոշոր առևտրի կենտրոնում բացահայտել է 1,3 մլրդ դրամի թաքցված հարկման օբյեկտ
Թաիլանդի դպրոցում աշակերտը կրակոցներ է արձակել. կան զոհեր
ԵԱՏՄ անդամ պետությունների փոխգործակցությունը երրորդ գործընկերների հետ չպետք է ընկալվի որպես զրոյական...
ՄԱԿ-ի անունից ցանկանում եմ վստահեցնել Ձեզ, Կառավարությանը և Հայաստանի ժողովրդին մեր շարունակական աջա...