Գվարդիոլա. Պրոֆեսիոնալ մակարդակում այսպիսի գնդակով խաղալը լուրջ չէ

«Մանչեսթեր Սիթիի» գլխավոր մարզիչ Խոսեպ Գվարդիոլան Անգլիական լիգայի գավաթի 1/8 եզրափակիչում «Վուլվերհեմփթոնի» նկատմամբ հաղթանակից հետո դժգոհել է Mitre գնդակներց, որոնք օգտագործվում են այս մրցաշարում:

«Ես դա ասում եմ իմ թիմի հաղթանակից հետո, որպեսզի ոչ ոք չմտածի, թե արդարանում եմ: Դա անլուրջ է՝ պրոֆեսիոնալ մակարդակում խաղալ այսպիսի գնդակներով: Դրանք չափազանց թեթեւ են, եւ չի լինում աշխատել դրանով ու կատարել ուժեղ հարված: Այդպիսի գնդակով գոլ խփելը գրեթե անհնար է: Իմ ֆուտբոլիստները խաղից հետո հարցրին, թե ինչ էր դա: Շատ ցավալի է, որ այս մրցաշրաջում ստիպված ենք խաղալ այդ գնդակով»,- Գվարդիոլայի խոսքը մեջբերում է The Telegraph-ը:

Հիշեցնենք, որ Մանչեսթերում կայացած խաղի հիմնական ու լրացուցիչ ժամանակում գոլեր չէին գրանցվել, իսկ հետխաղա 11 մետանոցներով Գվարդիոլայի թիմը հաղթել էր 4:1 հաշվով: