Քննիչները ստուգում են գաղտնի փաստաթղթերը ցանց գցած Թեյշեյրայի կապերը. Politico

Քննիչները ստուգում են ԱՄՆ Ազգային գվարդիայում ծառայած Ջեկ Դագլաս Թեյշեյրայի կապերը. Թեյշեյրան է ցանցում տարածել Պենտագոնի գաղտնի փաստաթղթերը, տեղեկացրել է Politico պարբերականը։

«Ամերիկացի քննիչները ստուգել են, թե արդյոք փոխգործակցել է գաղտնի փաստաթղթերի արտահոսքի մեջ մեղադրվողը որեւէ մեկի հետ այլ երկրից կամ կառավարությունից»,- նշված է հաղորդագրությունում։

Տեղեկացվել է, որ Սպիտակ տունը եւ իրավապահ մարմինները ստուգում են Թեյշեյրայի ցանկացած կապ օտարերկրյա հետախուզությունների հետ՝ վերջին ժամանակներս երիտասարդի բոլոր հնարավոր շփումներին հետեւելով։

«Մենք մինչեւ այժմ չգիտենք, թե ում հետ է շփվել երիտասարդը Discord սերվերից դուրս եւ արդյոք որեւէ այլ մտադրություն ունեցել է տեղեկությունները տարածելիս՝ բացի ընկերների վրա տպավորություն թողնելու ցանկությունը»,- ասել է ամերիկյան հատուկ ծառայությունների նախկին աշխատակիցը։