«Եթե հակառակ իրավիճակում ԱԺ անվտանգությունից մեկը արտահոսք արած լիներ, հիմա սաղին գործից հանել էին». Սևակ Հակոբյան

«Դիմում եմ հարգարժան իրավաբաններին.

Ինձ մի բան ա հետաքրքիր՝ Փաշինյան ընտանիքի լրատվամիջոցի հրապարակած՝ մոնտաժված տեսանյութից, որտեղ պատգամավոր Սահակյանը, իշխանականների ճանկերից իբր «փախչելու» նպատակով, վազելով դուրս է գալիս նիստի սենյակից դեպի միջանցք: Հետաքրքիր ա՝ որ թարս իրավիճակը լիներ՝ պատգամավոր Վարդանյան Վլադիմիրը ներսում խփեր Սահակյան Մհերին ու փախչելու լիներ Մհերի ընկերների ձեռքերից և այդ օրվա երեկոյան, ԱԺ անվտանգությունից մեկը ներքին նկարահանումից արտահոսք արած լիներ, հիմա սաղին գործից հանել էին, չէ՞, կազմալուծել էին, չէ՞, ծառայությունը, հետո էլ դատել էին, չէ՞:

ԱԺ անվտանգության՝ բացառապես այդ նպատակով տեսագրված տեսանյութը գցվել է համացանց: Ով է գցել, դա էլ գիտենք, հնարավոր կլինի նաև պարզել՝ ով է հրահանգել, ով է հանել ու ում տվել, ակնհայտ վարկաբեկելու նպատակով, որովհետև մանիպուլատիվ վերնագրով է տարածվել: Հիմա դա հանցանք չի՞, հարգելի իրավաբաններ, խնդրում եմ ասեք»: