Սա ոչ թե Արցախի, այլ Հայաստանի կործանման ծրագիր է․ Հակոբ Հակոբյան

Արցախի «Արդարություն» կուսակցության փոխնախագահ Հակոբ Հակոբյանը ֆեյսբուքյան իր էջում գրել է․ «Ցանկացած ազգին տիրելու համար անհրաժեշտ են լինելու փոքրաթիվ դավաճաներ և բազմաթիվ հիմարներ,, ՈՒինսթոն Չերչիլ:
Բոլոր նրանց, ովքեր չեն ընդունում ոչ նախկին, ոչ ներկա, այլ սպասում են երրորդ ուժի.
Այսօր Հայաստանում նախադեպը չունեցող մի իրավիճակ է, երբ գունավոր հեղափոխությունից 4 տարի անց, հայկական ազգային ուժերը, իրականացնում են հեղափոխություն:

Այս երևույթի դեմ հակազդելու համար գունավոր հեղափոխություն նախագծողները Հայաստան են նետել իրենց ողջ ուժերը՝ պայքարելու Ֆրանսիայի հրապարակի դեմ: Հրապարակ, որը հայ ազգային ուժերի միավորման խորհրդանիշ է դարձել: Իրենց այլ բան չի մնացել, քան Հայաստանում գործի դնել հայտնի հեղափոխական ճոճանակը և այսպես կոչված «ազգային բևեռ» կեղծ ազգայնական ուժերը փորձեն հեղափոխական տարբերակով իշխանությունից հեռացնեն կեղծ ժողովրդավարական և լիբերալ իշխանությանը: Գալու են նրանք և հայտարարեն, որ իրենք «ոչ նախկին են, ոչ ներկա, այլ ազգային ապագա են»:

Սակայն չպետք է մոռանալ՝ այս ուժերը կառավարվում են նույն կենտրոնից, ինչ Նիկոլը: Սա ոչ թե Արցախի, այլ Հայաստանի կործանման ծրագիր է, որն իրականացվում է ներկայիս թավշահայերի ձեռքերով: Իսկ դա նշանակում է, որ այդ հրեշավոր ծրագրի դեմն առնելը, լոկ պարզունակ կարգախոսներով և ոչ պակաս պարզունակ քայլերով հնարավոր չի լինելու լուծել:

Դրա համար անհրաժեշտ է, որ Դիմադրության շարժումն ավելի կենսունակ գործիքակազմ ձևավորի, քանզի մեր հակառակորդը, Փաշինյանն ու նրա թիմակիցները չեն, նրանք ընդամենը կատարողներ են: Մենք, բոլորս պետք է հասկանանք, որ հայրենիք ենք կորցնում և դուրս գանք պայքարելու մեր երկրի համար, մեր ազգի համար, որպեսզի ունենանք անվտանգ Հայաստան, անվտանգ Արցախ: Իսկ այսպես կոչված երրորդ ուժի սպասողները՝ անուղղակի ջուր են լցնում պետականակործան ջրաղացին»:

Սա ոչ թե Արցախի, այլ Հայաստանի կործանման ծրագիր է․ Հակոբ Հակոբյան

Վերջին 7 օրվաԹոփ լուրեր Թոփ 10ամենաընթերցվածէջերը

Վերջին 7 օրվա
Թոփ լուրեր Թոփ 10
ամենաընթերցված
էջերը