Պատվիրակություններին կոնյակով և ֆուրշետով պատվելու փողը չի հերիքում. Հատկացվել է ևս 30 միլիոն դրամ
Կառավարության որոշմամբ՝ ավելացվել է 2022 թվականի առաջին կիսամյակում պետական բյուջեով հատկացված ներկայացուցչական ծախսերը, այսինքն՝ Հայաստան ժամանած պատվիրակությունների ընդունելության համար նախատեսված գումարը։
Պարզվում է, պատվիրակությունների ընդունելության համար կատարված ներկայացուցչական ծախսերն այնքան շատ են եղել, որ բյուջեով նախատեսված 100 միլիոն դրամը բավարար չէր. ուստի գործադիրը որոշել է առաջին կիսամյակի համար գումարն ավելացնել ևս 30 միլիոն դրամով։
Ուշագրավ է, որ գումարն ավելացվելու է ոչ թե Կառավարության պահուստային ֆոնդից, այլ 2022 թվականի գործուղումների համար հատկացված գումարից՝ կրճատելու հաշվին։
Նշենք, որ 2022 թվականի բյուջեով գործուղումների համար հատկացվել էր 170 միլիոն դրամ, ավելի շատ, քան նախատեսվել էր պատվիրակություններ ընդունելու համար, ինչը տրամաբանական է, քանի որ հենց գործուղումների ընթացքում է, որ մեր պաշտոնյաները միջազգային տարբեր հարթակներում հնարավորություն են ունենում ներկայացնել ու պաշտպանել հայկական շահը և վարել հայանպաստ և ճկուն արտաքին քաղաքականություն։
Պարզվում է, սակայն, մեր պաշտոնյաներն առավել ճկուն քաղաքականություն են կարողանում վարել սեփական հողի վրա, պատվիրակություններ ընդունելիս և նրանց համար թանկարժեք ներկայացուցչական ծախսեր անելիս, այն էլ՝ հիմնականում մեկ անձից գնման ընթացակարգով, ինչի մասին, ի դեպ, 168.am-ը պարբերաբար գրում է։
Օրինակ՝ վերջին մեր հրապարակումներում անդրադարձել էինք իշխանությունների հերթական ներկայացուցչական ծախսերին՝ 5 միլիոն դրամով մեղր գնելուն և 17 միլիոն դրամ էլ կոնյակի, ֆուրշետի, ռեստորանի համար վճարելուն, թե որքանով է ֆուրշետն ու կոնյակը նպաստում, որ արտասահմանյան պատվիրակությունները Հայաստանի և Արցախի շահից բխող հայտարարություններ անեն, նրանց պաշտոնական հայտարարություններից ակնհայտ է։
Նկատենք, որ Կառավարությունը 30 միլիոն դրամով ՀՀ ժամանող պատվիրակությունների ընդունելության ծախսը մեկ կիսամյակում ավելացնելը, իսկ գործուղումների համար գումարի կրճատումը պայմանավորել է Կառավարության ծախսային քաղաքականության արդյունավետության բարձրացմամբ և հանրային ֆինանսների նպատակային, խնայողաբար և արդյունավետ օգտագործելով։
Ջեյմի Վարդին կարող է վերադառնալ հայրենիք
Տեխասում կկառուցվի աշխարհի ամենամեծ կիսահաղորդչային համալիրը՝ Terafab-ը
Էթնա հրաբխի ժայթքման հետևանքով չեղարկվել են չվերթներն իտալական Կատանիայի օդանավակայանում
Իրանում նշանակվել է Բարձրագույն ազգային անվտանգության խորհրդի նոր քարտուղար
«Նապոլիի» հարձակվող Ռոմելու Լուկակուն տվել է թուրքական «Ֆեներբախչե» տեղափոխվելու իր համաձայնությունը
Հրդեհ Պռոշյան բնակավայրում․ դեպքի վայր են մեկնել փրկարար ծառայության մարտական հաշվարկներ
Կործանիչները երկու ինքնաթիռ են որսացել Թրամփի գոլֆի ակումբի տարածքում
Մասիս համայնքի ղեկավարի տեղակալի և նրան փոխկապակցված անձանց հողամասերի օտարման գործընթացում հայտնաբե...
ԲԸՏՄ-ի վերահսկողության արդյունքում խնայվել է շուրջ 15 մլն խմ ջուր
Firebird-ի ԱԲ գործարանն իրականություն է. բացումը նշանավորվեց նոր ներդրումների մասին հայտարարությամբ