Ինձնից շատ Խաչատրյանի երաժշտությունը չսիրեք
Օպերայի եւ բալետի ազգային ակադեմիական թատրոնի դիրիժոր Հարություն Արզումանյանն իր ֆեյսբուքյան էջում անդրադարձել է Արամ Խաչատրյանի արձանին բարձրացած տղայի լուսանկարին, որը երեկվանից համացանցում լայնորեն շրջանառում են․
«ԲՈԼՈՐ ԽԱՉԱՏՐՅԱՆԻ ԱՐՁԱՆԻՆ ԲԱՐՁՐԱՑԱԾԻ ՆԿԱՐԸ ՏԱՐԱԾՈՂՆԵՐԻՆ, ԶԱՅՐԱՑԱԾ ՔՈՄԵՆԹ ԳՐՈՂՆԵՐԻՆ Ու ԻՐԵՆՑ ԱՆԳՈՐԾՈւԹՅԱՆ ՀԱՄԱՐ ՀԵՐԹԱԿԱՆ ԱՐԴԱՐԱՑՈւՄ ԳՏՆՈՂՆԵՐԻՆ!!!
ԶՈՄԲԼՈՆԵՐԻՆ`ՉԿԱՐԴԱԼ)
Ինչպես 2020 թվականի նոյեմբերի 10-ից հետո սկսեցին տարածել ջարդած սեղանների ու շենք ներս մտնողների նկարները` ակտիվ ուղղորդելով մարդկանց, ասելով, թե` սրանք են փրկողները, անհեթեթ ուղղությամբ վրդովմունք առաջացնելով, նպատակային շեղելով բուն թեմայից: Նույնը հիմա են անում: Էս ամենը կոնկրետ ուղղորդվում է` ամեն մեծ, թե փոքր առիթ օգտագործում են, ստորաբար շեղելու մարդկանց ուշադրությունը կարևորից: Հանկարծ ամբողջ համացանցը լցվեց անտեղյակ երիտասարդի նկարներով` արձանին բարձրացած... Լրիվ «պատահական» սկսեցին այս նկարը տարածել: Ոնց որ թե մոռացաք, թե ինչ կատարվեց նախորդ դժբախտ երիտասարդի հետ, որ նկարվել էր շենքի ներսում` նոյեմբերի 10-ին։
Էլի լոլոներ չասեք` անգրագիտությունից, որ ամեն ինչի պատճառն է... Ամենամեծ տգիտությունը հայրենասիրության բացակայությունն է: Ու եթե ամեն ինչից հետո, ինչ կատարվել ու կատարվում է, ԴՈւՔ դեռ պաշտպանում եք այդ անհայրենիքների ծախու խմբակին, կամ իբրև թե հիմա արդեն չեք պաշտպանում, բայց առիթներ, պատրվակներ ու պատճառներ եք փնտրում նրանց դեմ պայքարին չմիանալու համար, ուրեմն ոչ մի արդարացում չկա ՁԵԶ: Իբրև թե դեռ չկա այն ուժը, որին կմիանայիք: Կամ հոգնել եք քաղաքականությունից, կամ էլ հանկարծ չեք զբաղվում քաղաքականությամբ: 18 թվին կարծես թե հետաքրքրվում էիք, ուրեմն էդ եփած լափը մաքրել է պետք: Եթե դուք չեք զբաղվում քաղաքականությամբ, այն զբաղվում է ձեզանով` հայտնի խոսք է: Մեր պարագայում այն կզբաղվի թուրքի տեսքով, եթե ոչինչ չփոխենք։
Ինձնից շատ արվեստ, երաժշտություն, Խաչատրյան ու Խաչատրյանի երաժշտությունը չսիրեք»։