Փաշինյանի ռեժիմից ավելի ձեռնտու ռեժիմ Ալիևը և Էրդողանը չեն ունենալու Հայաստանում, հետևաբար շտապում են ճնշում բանեցնել. Շարմազանով
Այս իրավիճակում հայ-թուրքական և հայ-ադրբեջանական խաղաղության օրակարգին գնալը՝ դա ինքնասպանություն է: Այս մասին դատարանի բակում լրագրողների հետ զրույցում հայտարարեց ՀՀԿ խոսնակ Էդուարդ Շարմազնովը:
Ըստ նրա՝ հաշվի առնելով աշխարհաքաղաքան իրավիճակը՝ այսօր Հայաստանի և Արցախի համար ամենաանպաստ պայմաններն են են պայմանագրի ստորագրման գնալու համար.
«Նիկոլ Փաշինյանի ռեժիմից ավելի ձեռնտու ռեժիմ երբեք ոչ ՛ Ալիևը, ոչ՛ Էրդողանը չեն ունենալու Հայաստանում, հետևաբար շտապում են ճնշում բանեցնել, որպեսզի հնարավորինս շատ օգտվեն»,-ասաց Շարմազանովը:
Անդրադառնալով Արցախում ստեղծված իրավիճակին՝ Շարմազանովը նշեց, որ սա հումանիտար կատաստրոֆա է.
«Ես զարմանում եմ, որ որևէ մեկը հույս է փայփակում, որ այս իշխանությունները Արցախի ժողովրդի էլեմենար խնդիրները կարողնան լուծել»,-ասաց Շարմազանովը: