Ոչ ԵՊՀ-ի ՔՊ-ականացմանը. բողոքի ակցիա ԵՊՀ-ում
Ոչ ԵՊՀ-ի ՔՊ-ացմանը։ ՀՅԴ երիտասարդական միությունն այսօր ԵՊՀ-ում բողոքի ակցիա է իրականացնում։ Երիտասարդները պահանջում են, որ ԵՊՀ ռեկտորի պաշտոնը չզբաղեցնի ՔՊ թեկնածուն։
«Պետք է նշեմ, որ մեր ակցիայի նպատակը բուն անձի դեմ չի, մենք չենք պայքարում անձի դեմ, պայքարում ենք երևույթի դեմ, որովհետև բոլոր կառույցները, որտեղ ղեկավարը պիտի լինի ապաքաղաքական, ներկա իշխանությունը քաղաքականացրել է, մենք այս ընտրությունները լեգիտիմ չենք կարող համարել, քանի որ հոգաբարձուների խորհրդի նախագահը Պապիկյան Սուրենն է, ու նա պարտված իշխանության անդամ է»,-լրագրողների հետ զրույցում ասաց ՀՅԴ երիտասարդական միութան անդամ Տարոն Մանուկյանը։
Մանուկյանն ասում է, որ այս մրցույթին չեն մասնակցում այն դասախոսները, ովքեր գիտեին, որ ընտրվելու դեպքում համագործակցելու են այս իշխանության հետ։
Նա նաև նշեց, որ ակցիաները շարունակական են լինելու, որպեսզի ԵՊՀ-ն չքաղաքականացվի։