Ալիևը վատ երազներում է տեսնում Քոչարյանին, իսկ Փաշինյանը օպերատիվ կապը պահում է, գաղտնի բանակցություններ անում է. Վարդևանյան
Խորհրդարանում «Հայաստան» խմբակցության պատգամավոր Արամ Վարդևանյանը անդրադարձավ իշխող ուժի պատգամավոր Հայկ Կոնջորյանի հայտարարություններին, թե ընդդիմադիրները և ղեկավարները ադրբեջանական իշխանությունների հետ ինչ-ինչ պայմանավորվածությունների մեջ են։
«ԱԺ ամբիոնը Perfect TV-ի մակարդակի մտքեր արտահայտելու ամբիոն չէ։ Եթե խոսում եք Ռոբերտ Քոչարյանի մասին, բոլոր դեպքերում մի քիչ ֆանտազիայի ծավալն էլ պետք է տրամաբանություն ունենա։ Մենք խոսում ենք այն մարդու մասին, որ հաստատ Ալիևը վատ երազներում է տեսնում Քոչարյանին, իսկ Նիկոլ Փաշինյանը 2018 թվականից օպերատիվ կապը պահում է, գաղտնի բանակցություններ անում է, 2020 թվականին մայիսի 8-ին՝ Շուշիի ազատագրման օրը, որի հետ Ռոբեր Քոչարյանի առնչության մասին գրքերում կարդացել եք, կալանավորման տակ են պահում»,- եզրափակեց ելույթը Վարդևանյանը իսկ Ալեն Սիմոնյանը քմծիծաղով պատասխանեց «Արցախն էլ բանակցային սեղանից դուրս է թողնում»։ ԱԺ նախագահը խորհուրդ տվեց պատգամավորին բանակցային մանրուքների մեջ չմտնել, որովհետև «ջախջախիչ պատրոություն կկրի»։