«Հայաստան» դաշինք. Փաշինյանը կատարում է այն, ինչ խոստացել էր Էրդողանին եւ Ալիեւին օպերատիվ կապի միջոցով
Հայաստանի վարչապետ Նիկոլ Փաշինյանը կատարում է այն, ինչ օպերատիվ կապի միջոցով խոստացել է Թուրքիայի եւ Ադրբեջանի նախագահներ Ռեջեփ Թայիփ Էրդողանին եւ Իլհամ Ալիեւին։ Այս մասին նոյեմբերի 19-ին Ազգային ժողովում ավանդական ճեպազրույցների ժամանակ հայտարարեց ընդդիմադիր «Հայաստան» դաշինքի պատգամավոր Ագնեսա Խամոյանը։
Նրա խոսքով՝ իշխանության գալուց հետո վերջին երեք տարվա ընթացքում Փաշինյանը չի արել ոչ մի քայլ, որը հույս կներշնչեր, որ նա կկարողանա լուծում տալ՝ ելնելով հայկական կողմի շահերից։
«Արդեն ակնհայտ է, որ Նիկոլ Փաշինյանն անում է միայն այն, ինչ իրեն ստիպում են։ Հայաստանը, ըստ էության, արդեն ոչ թե բանակցային սեղանի շուրջ, այլ բանակցային սեղանի վրա է։ Պատերազմից եւ պարտությունից հետո Նիկոլ Փաշինյանը չի կարող առաջ տանել մեր շահերը»,- պարզաբանեց Խամոյանը։