Այս ամենի պատճառը մեկ անուն ունի՝ նիկոլ փաշինյան
Այս մասին քիչ առաջ «Պատերազմ եւ կապիտուլյացիա. մեկ տարի անց» խորագրով հանդիպում-քննարկման ժամանակ իր ելույթում ասաց «Պատիվ ունեմ» խմբակցության պատգամավոր Տիգրան Աբրահամյանը։
Հանդիպումը նախաձեռնել է «Անվտանգություն եւ ժողովրդավարություն» հասարակական կազմակերպությունը, որը սկսում է քննարկումների շարք՝ Հայաստանի եւ Արցախի ներքին-արտաքին քաղաքական օրակարգի խնդիրների եւ մարտահրավերների շուրջ։
«Խոսելով անվտանգության համակարգի, պաշտպանության ոլորտում իրականացվող քաղաքականության մասին այն պայմաններում, երբ մեկ տարվա ընթացքում չորս տարբեր պաշտպանության նախարարներ են հիշատակվում, այս տեսանկյունից իրավիճակը բավականին անլրջանում է։Իշխանություններն ութ ամիս խոսում են Զինված ուժերի արդիականացման, կոնցեպտի մասին, բայց իրականում որևէ փոփոխություն չի կատարվել, մինչդեռ հետպատերազմյան իրավիճակի առաջին քայլերից մեկը պետք է լիներ անվտանգության համակարգի վերականգնումը, վերաձևավորումը, մոդեռնիզացիան: Վերջին մի քանի օրում նկատեք՝ քանի իրադարձություն է տեղի ունեցել՝ Արցախում սպանված երկու քաղաքացիական անձ, բանակին հասցված հարվածներ, հեղինակազրկում, ՀՀ սահմանների տարբեր հատվածներում տեղակայված ադրբեջանական անցակետեր, Ադրբեջանը սահմանի մեծ հատվածով վերադիրքավորումներ է իրականացնում և էականորեն բարելավում իր դիրքերը և այլն։Այս ամենը ունի մեկ պատճառ՝ Նիկոլ Փաշինյան»,- ասաց Աբրահամյանը։