«Մանչեսթեր Յունայթեդը» չի հեռացնի Սուլշերին

Անգլիական «Մանչեսթեր Յունայթեդի» ղեկավարությունը մտադիր չէ գլխավոր մարզիչի պաշտոնից հեռացնել նորվեգացի Ուլե-Գունար Սուլշերին, հաղորդում է Sky Sports-ը։

Անգլիայի առաջնության 11-րդ տուրի տնային խաղում չեմպիոն «ՄանչեսթերՍիթիից» կրած 0։2 հաշվով պարտությունից հետո էլ մանչեսթերյան ակումբում փոխարինող չեն փնտրում 48-ամյա մասնագետին։

Սուլշերը «Մանչեսթեր Յունայթեդը» գլխավորում է 2018 թվականից։ Անցած մրցաշրջանում թիմը հասավ Եվրոպայի լիգայի եզրափակիչ, սակայն պարտվեց իսպանական «Վիլյառեալին» հետխաղային 11 մետրանոցներով։

Անգլիայի ընթացիկ առաջնության 11 խաղից հետո «Մանչեսթեր Յունայթեդը» 17 միավորով 6-րդ տեղում է։ Առաջատար «Չելսին» ունի 26 միավոր։