«Ռեալը» մտադիր է ձեռք բերել «Չելսիի» ֆուտբոլիստին

Մադրիդի «Ռեալի» հաջորդ տարվա տրանսֆերային գլխավոր նպատակներից մեկը կլինի Չեմպիոնների լիգայի գավաթակիր Լոնդոնի «Չելսիի» եւ Գերմանիայի հավաքականի 28-ամյա պաշտպան Անտոնիո Ռյուդիգերը, հաղորդում է ABC-ն։

Նրա պայմանագիրն անգլիական ակումբի հետ նախատեսված է մինչեւ 2022թ. հունիս։ Ընթացիկ մրցաշրջանում Ռյուդիգերը «Չելսիի» հետ մասնակցել է 10 հանդիպման, խփել 1 գոլ։

Transfermarkt-ը նրա տրանսֆերային արժեքը գնահատում է 35 միլիոն եվրո։

Ռյուդիգերը դժգոհ է «Չելսիի» առաջարկած նոր պայմանագրի ֆինանսական բաղադրիչից։ Անգլիական ակումբը ֆուտբոլիստին առաջարկել է տարեկան 8,5 միլիոն եվրո։ Ռյուդիգերը ցանկանում է ստանալ 10 միլիոն եվրոյից ոչ քիչ։ Այժմ նրա աշխատավարձը 7,2 միլիոն եվրո է։

Ռյուդիգերի ծառայություններով հետաքրքրված են նաեւ Մյունխենի «Բավարիան» եւ Փարիզի ՊՍԺ-ն։