«Հաց բերողին» կրկին ձերբակալեցին եւ ուզում են փակի տակ պահել
Այսօր Հատուկ քննչական ծառայությունը ձերբակալել է «Սասնա ծռեր» զինված խմբին օժանդակելու մեջ մեղադրվող, «Հաց բերող» Արթուր Սարգսյանին:
Նրա փաստաբան Տիգրան Եգորյանը հայտնեց, որ ՀՔԾ-ն ձերբակալման հիմք է համարել այն, որ Սարգսյանը փետրվարի 3-ին չի ներկայացել քննչական մարմնին: Մինչդեռ փաստաբանի խոսքով, նախապես քննիչին տեղյակ են պահել չներկայանալու մասին և խնդրել են փոխել հանդիպման օրը: Տիգրան Եգորյանը նշեց, որ այս պահին գտնվում են ՀՔԾ-ում և չի բացառվում, որ Արթուր Սարգսյանը կրկին կալանավորվի:
Սարգսյանը ոստիկանության ՊՊԾ գնդի տարածքի գրավման գործով կալանավորված էր օգոստոսից: Նրախափանման միջոցը փոխվել էր 2016-ի դեկտեմբերի 31-ին, նա ազատ էր արձակվել:
Մինչ այդ Սարգսյանի պաշտպանները դիմել էին Մարդու իրավունքների Եվրոպական դատարան (ՄԻԵԴ), որպեսզի անհապաղ միջոցներ ձեռնարկվեն նրան բուժում ապահովելու, անհրաժեշտության դեպքում քաղաքացիական հիվանդանոց տեղափոխելու համար:
hayastan24.com