Ադրբեջանը փորձելու է տարբեր լծակների միջոցով ճնշել Հայաստանին եւ ստանալ իր համար ցանկալի փաստաթուղթ. պատգամավոր
Վերջին 2 օրերին Գորիս- Կապան ճանապարհի շուրջ ստեղծված ճգնաժամը ուղիղ կապ ուներ դրանից առաջ սահմանի տարբեր հատվածներում տեղի ունեցած ադրբեջանական սադրանքների հետ, որի գլխավոր նպատակլը ՀՀ իշխանությունների վրա ճնշումները մեծացնելն է եւ իրենց կողմից պարտադրվող զիջումներին հասնելը:Այս մասին յս մասին NEWS.am-ի հետ զրույցում ասաց ԱԺ «Պատիվ ունեմ» խմբակցության պատգամավոր Տիգրան Աբրահամյանը:
«Ես կարծում եմ, որ վերջին 2 օրերին Գորիս- Կապան ճանապարհիշուրջ ստեղծված ճգնաժամը ուղիղ կապ ուներ դրանից առաջ սահմանի տարբեր հատվածներում տեղի ունեցած ադրբեջանական սադրանքների հետ, որի գլխավոր նպատակլը ՀՀ իշխանությունների վրա ճնշումները մեծացնելն է եւ իրենց կողմից պարտադրվող զիջումներին հասնելը: Երկրորդը դեռեւս որոշակի հարցեր կան կապված Գորիս-Կապան վերաբացված ճանապարհի երթեւեկության կազմակերպման հետ, որի հարցադրումների պատասխանները դեռեւս ամբողջությամբ ես ինքս չեմ ստացել: Ճիշտ է այս պահին շարժը վերականգնված է, բայց որոշակի հարցերի շուրջ կան խնդիրներ»,-ասաց նա:
Հարցին, թե ինչ զիջումների մասին է խոսքը գնում, Տիգրան Աբրահամյանն ասաց, որ խոսքը վերաբերում է Ադրբեջանի պայմաններով սահմանների դելիմիտացիային եւ դեմարկացիային, Ադրբեջանի կողմից առաջ քաշված միջանցքի գաղափարի հարցին, խաղաղության մեծ պայմանագրի ստորագրման հարցին` ադրբեջանական տրամաբանության ներքո:
«Այսինքն երկկողմ քննարկման հարցերը քիչ չեն, դրանք բավականին բարդ են, բավականին մեծ բարդություններ են պարունակում եւ Ադրբեջանն անընդհատ փորձելու է տարբեր լծակների կիրառման միջոցով ճնշել Հայաստանին եւ ստանալ իր համար ցանկալի փաստաթուղթ»,- ասաց նա:
Պատգամավորն անդրադառնալով այն հարցին, որ կառավարության նիստի ժամանակ վարչապետը ադրբեջանական տեղանուներ նշեց իր խոսքում, ասաց, որ դրանով կարծես ցանկանում են արդարացնել ադրբեջանական գործողությունները:
«Նիկոլ Փաշինյանը, ըստ էության, ոչ թե մտածում է ընդհանուր դիմակայության մեջ Հայաստանի համար առավելությու ապահովելուց, այլ ավելի շատ ապահովում է Ադրբեջանի գործողությունների Հայաստանում առկա լինելու այդ մոտեցումը եւ իշխանությա տարբեր ներկայացուցիչներ նմանատիպ իրավիճակներում փորձում են այսպես ասած արդարացնել Ադրբեջանի գործողությունները, կամ դատապարտել, կամ ժամանակին դրանք զսպող գործողություններ ձեռնարկել»,-ասաց նա:
Աբրահամյանի կարծիքով` իշխանական այս վարքը ավելի է մեծացնում նմանատիպ սադրանքների հավանականությունը, քան դրանք կանխում. «Ցավոք այս պահին էլ սահմանի տարբեր հատվածներում տարաբնույթ սադրանքների հավանականությունը շարունակում է բարձր մնալ»:
Ավելի վաղ հայտնել էինք, որ ՀՀ ազգային անվտանգության ծառայությունը տեղեկացրել էր, որ օգոստոսի 25-ին ժամը 23:00-ի սահմաններում ադրբեջանական կողմը փակել է Կապան-Գորիս միջպետական ճանապարհի Կարմրաքար-Շուռնուխ հատվածը:
Ավելի ուշ, Հայաստանի մարդու իրավունքների պաշտպան Արման Թաթոյանը հայտնել էր, որ ադրբեջանցի զինծառայողները փակել են նաև ՀՀ Սյունիքի մարզի Գորիսից Որոտան տանող ճանապարհը:
Բանակցություններից հետո ճանապարհը վերաբացվել էր օգոստոսի 27-ին: