Վրաստանը 90 միլիոն լարի արժողությամբ պետական գույք է աճուրդի հանել
90 միլիոն լարի արժողությամբ գույքը վաճառքի է հանվել «100 ներդրումային առաջարկ բիզնեսի համար» պետական ծրագրի շրջանակներում, հաղորդում է «Sputnik Գրուզիա»-ն:
Վրաստանի իշխանությունները 400 մլն լարի (134 մլն ԱՄՆ դոլար) արժողությամբ օբյեկտներ են վաճառում ձեռնարկատերերին էլեկտրոնային աճուրդում՝ տնտեսության մեջ ներդրումներն ու հանրային ռեսուրսների արդյունավետ օգտագործումը խրախուսելու համար:
Էկոնոմիկայի նախարարության պետական գույքի ազգային գործակալությունը մասնավոր հատվածին ավելի քան 90 մլն լարի ներդրումային գույք է առաջարկում, այդ թվում՝ 54 գյուղատնտեսական նշանակության հողատարածք եւ 6 պետական ձեռնարկություն:
Ըստ իշխանությունների՝ արագացված սեփականաշնորհումը բյուջեի եկամուտների ռեսուրսն է՝ պայմաններում, երբ համավարակի պատճառով այն ծանրաբեռնված է տարբեր սոցիալական պարտավորություններով: