Իբրահիմովիչի վերադարձը ձգձգվում է

Իտալական «Միլանի» շվեդ հարձակվող Զլատան Իբրահիմովիչը բաց կթողնի նոր մրցաշրջանի սկզբնամասը, հայտնում է La Gazzetta dello Sport-ը:

39-ամյա ֆուտբոլիստը շարունակում է վերականգնվել ծնկի վնասվածքից հետո: Նա ծրագրում էր մասնակցել «Սամպդորիայի» դեմ Իտալիայի առաջնության առաջին տուրի խաղին (օգոստոսի 23-ին), սակայն կա վնասվածքը կրկնվելու վտանգ: Սպասվում է, որ նա խաղադաշտ կվերադառնա սեպտեմբերին՝ ազգային հավաքականների խաղերով պայմանավորված դադարից հետո:

Հիշեցնենք, որ նախորդ մրցաշրջանում Զլատան Իբրահիմովիչը մասնակցել է 27 հանդիպման, խփել 17 գոլ, կատարել 3 գոլային փոխանցում։ Վնասվածքի պատճառով նա չկարողացավ Շվեդիայի հավաքականին օգնել Եվրո-2020-ում: