Ռուսաստանից հատուկ խմբեր են աշխատել Հայաստանում՝ երեք շաբաթ շարունակ հավաքելով ահռելի ինֆորմացիա․ Գաբրիելյանով
Ռուսաստանաբնակ հայ մեդիագործիչ Արամ Գաբրիելյանովը իր տելեգրամյան ալիքում գրում է․
«Իմ ուսուցիչները, իսկ ես Մոսկվայի պետական համալսարանում ունեցել եմ մեծ ուսուցիչներ, ասում էին՝ այն բանի համար, որպեսզի հասկանաս ինչու (հարցի պատասխանը), պետք է իմանաս՝ ով, ինչ, որտեղ եւ երբ (հարցերի պատասխանները)։ Ուղիղ երեք շաբաթ Ռուսաստանից մասնագետների մեծ խումբ է աշխատել Հայաստանում։ Արդեն կարող եմ ասել՝ աշխատանքները ֆինանսավորել եմ ես, մասնագետներին ներգրավել եմ անձամբ ես։ Պայմանները, բացի մասնագիտականից, շատ խիստ էին։ Ոչ մեկը «հատուկներից» չպետք է կապ ունենար հայերի կամ Հայաստանի հետ։ Անհրաժեշտ էր սթափ գնահատական, անհրաժեշտ էին առարկայական տվյալների, անհրաժեշտ էին մարդիկ, ովքեր ունեին կապեր՝ բացառիկ ինֆորմացիա ստանալու համար։ Խմբերը աշխատում էին սոցիոլոգների, ազգագրագետների եւ պարզապես տուրիստների անվան տակ։
Հարցվել են հազարավոր տարբեր մարդիկ, հավաքվել է ինֆորմացիայի ահռելի զանգված, հազարավոր բացառիկ հարցազրույցներ Հայաստանի քաղաքացիներից, տարբեր սոցիալական խմբերին պատկանող Ռուսաստանի հայերից, սկսած տաքսիստներից մինչեւ հատուկ ծառայությունների աշխատակիցներ, բարձրաստիճան պաշտոնյաներ, մարդիկ, որոնք մոտ են օլիգարխներին։ Արդյունքները դեռ մշակվում են, սակայն առաջին արդյունքները, որոնք ինձ զեկուցում են, ունենալու է ահռելի մեծ արձագանք։ Կարճ ասած, ինչպես ասել է մի մեծ ռուս մարդ զրույցի ընթացքում․ «Արամ, ամեն բան այնպես չէ, ինչպես թվում է»։ Աշխատանքը շարունակվում է։ Մշակվում է ինֆորմացիայի ահռելի քանակություն։ Դա արագ անելու բան չէ, եւ դյուրին գործ չէ։ Սակայն մասնագետներն իրենց գործը գիտեն»։