Փաշինյանի իշխանությունից Տիգրան Ավինյանի հեռանալու լուրը պաշտոնապես չի հերքվում
ՀՀ փոխվարչապետի պաշտոնակատար Տիգրան Ավինյանի գրասենյակը չի հերքում Ավինյանի՝ իշխանությունից հեռանալու մասին լուրերը։
Այսօրվա մամուլը գրել էր, որ Տիգրան Ավինյանը մտադիր չէ լինել ոչ օրենսդիր, ոչ էլ գործադիր իշխանությունում ու այդ մասին արդեն խոսել է Նիկոլ Փաշինյանի հետ։ Տեղեկության իսկությունը պարզելու նպատակով «Փաստինֆո»-ի թղթակիցը կապ հաստատեց փոխվարչապետի մամուլի քարտուղար Նժդեհ Հովսեփանի հետ։ Վերջինս չհերքեց տեղեկությունները, որ Ավինյանն այլևս չի լինի վարչապետի թիմում։
Դիտարկմանը՝ Տիգրան Ավինյանը չի՞ լինի ոչ օրենսդիրում, ոչ էլ գործադիրում, Հովսեփյանը նշեց, որ վերջինս օրենսդիրում լինել չի էլ կարող։
«Օրենսդիրում նա չի կարող լինել»,- ասաց Հովսեփյանը։
Ըստ տեղեկությունների՝ Ավինյանը նախընտրում է տեղափոխվել մասնավոր ոլորտ:
«Ավինյանը չի պատրաստվում գնալ «Տելեկոմ Արմենիա։ Տեղեկությունը չի համապատասխանում իրականությանը։ Տելեկոմ Արմենիան էլ է հերքել տեղեկությունը»։
Դիտարկմանը, թե մամուլը հստակ անուն չէր նշել, տեղեկութունը միայն այն մասին էր, որ Ավինյանը մասնավոր ոլորտ է ուզում տեղափոխվել և խոսքը կապի ծառայություն մատուցող ընկերություններից մեկի մասին է, Հովսեփյանը նշեց.
«Ակնարկները «Տելեկոմ Արմենիայի» հետ են կապված, դրա համար ենք ավելի կոնկրետ ասում, որ չկա նման բան»։
Ըստ մամուլի տեղեկությունների՝ Ավինյանն իրեն տեսնում է ղեկավարի պաշտոնում, և նշանակվելուց հետո իր կողքը կհավաքի իր թիմակիցներին, որոնց հետ աշխատել է կառավարությունում:
Աղբյուր` Փաստինֆո