Մինչ այս պահը դատարանից չեն տեղեկացրել, թե երբ է տեղի ունենալու Արմեն Չարչյանի հարցով որոշման հրապարակման հետաձգված նիստը. Էրիկ Ալեքսանյան
Էրիկ Ալեքսանյանը ֆեյսբուքյան իր էջում գրում է. «Ինչպես գիտեք Արմեն Չարչյանի ձերբակալման իրավաչափության վերաբերյալ դատական ակտը պետք է հրապարակվեր այսօր ժամը՝ 20։00-ին, սակայն հրապարակումից առաջ ժամը՝ 19։34-ին դատավորի օգնականից տեղեկացանք, որ նշանակված ժամին որոշման հրապարակումը տեղի չի ունենալու, իսկ թե կոնկրետ երբ կհրապարակվի դատական ակտը դատավորի աշխատակազմից որեւէ տեղեկատվությու չի հաղորդվել եւ չի հաղորդվում մինչ այս պահը:
Այս ամենը թույլ է տալիս պաշտպանության կողմին ողջամտորեն ենթադրելու, որ դատարանի նկատմամբ հենց այս պահին բիրտ չնշումներ են գործադրվում իշխանության համար ցանկալի որոշում կայացնելու առումով։ Սա եւս մեկ հաստատում է այն հանգաշանքը, որ պ-ն Չարչյանի նկատմամբ իրականացվում է քաղաքական հետապնդում։
Հորդորում ենք դատավորին հավատարիմ մնալ իր երդմանը , մերժել բոլոր տեսակի չնշումները եւ գործել բացառապես օրենքով»։