Մարզպետի հորդորը պատգամավոր եղբորը

Տավուշի մարզպետարանը հայտարարություն է տարածել, ուր ասված է․ <<«Եվս մեկ անգամ հորդորում ենք չտարածել ապատեղեկատվություն, չվտանգել մեր սահմանների և սահմանապահ բնակիչների անվտանգությունը:
Հարգելի տավուշցիներ, շրջանցեք թշնամու կողմից տարածվող ապատեղեկատվությունը: Տավուշի մարզի յուրաքանչյուր բնակչի անվտանգության երաշխավորը հայկական բանակն է և հայ զինվորը»,-նշված է հայտարարությունում>>։ Ինչի՞ց սկսվեց այս ամենը,Աժ հանձնաժողովի նախագահ Վահե Ղալումյանը լրագրողներին հայտնեց, որ Տավուշի մարզում գտնվում են տարածքներ, որոնք քարտեզներով պատկանում են Ադրբեջանին; Դրանից առաջ վարչապետ Նիկոլ Փաշինյանն էր հայտարարել, թե ինքը դելիմիտացիայի եւ դեմարկացիայի փաստաթուղթ է ստորագրելու, որն այն հայանպաստ է։ Ադրբեջանական տարածքների մասին հայտարարություն արած Վահե Ղալումյանը Նիկոլ Փաշինյանի մանկության ընկերն է, իսկ Տավուշի մարզպետն է Հայկ Ղալումյանը ՝Վահե Ղալումյանի հարազատ եղբայրը, նա Նիկոլ Փաշինյանի հարսանիքի քավորն է։ Ո՞վ ո՞ւմ է հորդորում, եւ այս կապակցությամբ թշնամին, որի համար ցանկանում է կոմունիկացիա բացել եւ որի տարածքով ցանկանում է կոմունիկացիա ունենալ Նիկոլ Փաշինյանը, ի՞նչ է հայտարարել։