Վաղն ուշ է լինելու
ՎԱՂՆ ՈՒՇ Է ԼԻՆԵԼՈՒ
«Հայաստան» դաշինքի անդամ ՀՅԴ ներկայացուցիչ Իշխան Սաղաթելյանը հայտարարեց, որ գալիք իշխանությունը չի ճանաչելու սպասվելիք հերթական կապիտուլյացիոն փաստաթուղթը․․․Ծափահարություններ։ Է՛հ մի «ճանաչեք», հետո՞․․․ Հայաստանի շատ քաղաքական ուժեր և գործիչներ չեն ճանաչում 1920թ․ Ալեքսանրապոլի, ինչպես նաև 1921թ․ Կարսի և Մոսկվայի պայմանագրերը, բայց և ճանաչում և հպարտանում են մի թղթի կտոր Սևրի պայմանագրով։
Հարգելի ընդդիմադիրներ, ոչ թե ապագայում պետք է չճանաչել սպասվելիք խայտառակությունն, այլ թույլ չտալ, որ այն ստորագրվի։ Հետո ուշ է լինելու։ Իհարկե, հետո կասեք, եթե , իհարկե գաք իշխանության, որ «չեք ճանաչում» և այն ստորագրել է նախկին դավաճանը, իսկ մենք ․․․զբաղված էինք ընտրություններով։ Իսկ ընտրություններում հաղթելու հնարավորություն ունի այն քաղաքական ուժը, որն այսօր, այո՛ այսօր կարողանա թույլ չտալ ստորագրել չարաբաստիկ փաստաթուղթը։
Ավետիք Իշխանյանի ֆեյսբուքյան էջից