Կասիլյաս. Չի կարելի քննադատել Զիդանին

Մադրիդի «Ռեալի» եւ Իսպանիայի հավաքականի լեգենդար դարպասապահ Իկեր Կասիլյասն Իսպանիայի առաջնության վերջին տուրից առաջ աջակցություն է հայտնել Արքայական թիմի ֆրանսիացի գլխավոր մարզիչ Զինեդին Զիդանին։

«Չի կարելի քննադատել Զիդանին ոչ մի բանի համար։ Նրա նվաճումներն անհավանական են։

Բնականաբար, ես կցանկանայի «Ռեալին» տեսնել առաջին տեղում։ Հույս ունեմ, որ «Վալյադոլիդը» կօգնի Զիդանին դարձյալ դառնալ չեմպիոն»,– Կասիլյասի խոսքը մեջբերում է AS–ը։

Իսպանիայի առաջնության վերջին տուրում «Վալյադոլիդը» կընդունի առաջատար «Աթլետիկոյին» (83 միավոր)։ «Ռեալը» (81 միավոր) կհյուրընկալի «Վիլյառեալին»։ Այս հանդիպումները տեղի կունենան մայիսի 22–ին եւ կմեկնարկեն Երեւանի ժամանակով 20։00–ին։