Ասում ենք՝ ուզում եք, որ զորքն էնտեղ մնա՞. զորքի դուրս գալը ի՞նչ կապ ունի այս փաստաթղթի հետ. Մարուքյանը՝ Ալեն Սիմոնյանին
Դուք ասում եք, թե արդյոք ճիշտ չէ ընտրություններից հետո բանակցել որեւէ փաստաթղթի շուրջ. Այսինքն դուք ենթադրում եք մի տարբերակ, որտեղ առնվազն մեկ ամիս ադրբեջանական զորքերի ներկայացուցիչները մնում են ՀՀ տարածքում: Այս մասին, այսօր՝ մայիսի 20-ին, ԱԺ աչրտահերթ նիստում դիմելով ԼՀԿ խմբակցության ղեկավար Էդմոն Մարուքյանին, հարց ուղղեց ԱԺ փոխխոսնակ Ալեն Սիմոնյանը:
Նա նաեւ հավելեց. «Արդյոք դուք ենթադրում եք, որ այս հարցի հետ կապված գործողություններ չանելը կարող է եւս որոշ տեղերում նմանդ եպքեր լինեն: Եվ երրորդ, օրինակ, դուք գիտե՞ք, որ Ադրբեջանի եւ Վրաստանի միջեւ դելիմիտացիայի պրոցեսը տեւում է արդեն 26 տարի եւ ավարտին: Դուք սա հաշվի առե՞լ եք»:
Ի պատասխան Էդմոն Մարուքյանն ասաց. «Ադրբեջանն ու Վրաստանը փոխադարձաբար իրար երկրների տարածքներ չեն ներխուժում զորքերով եւ պնդում, որ դա իրենցն է: Հաջորդը, մենք եկել ենք այստեղ, որ իշխանությունը բացատրություն տա, թե ինչ են անում: Մենք ժողովրդի բարձրացրած ձայնը հասցրել ենք ԱԺ:
Ասում ենք՝ բա զորքերը մնան էդտե՞ղ: Ոչ: Բայց մեզ էստեղ վարչապետի պաշտոնակատարի կողմից զեկուցվել է, որ Հայաստանը չի հանդուրժելու, որ նրանք էնտեղ մնան: Հայաստանը դիմել է ՀԱՊԿ-ին, դիմել է ՌԴ-ին: ՊՆ-ն էլ հայտարարել է, որ եթե ողջամիտ ժամկետներում դուրս չգհան, ուժ ենք կիրաելու: Հիմա դուք եկել, ասում ենք՝ ուզում եք, որ զորքն էնտեղ մնա՞: Հիմա զորքը էնտեղ մնալու ու սա ինչ կապ ունեն: Եթե կապ ունեն՝ հիմնավորեք: բացատրեք, թե ո՞նց եղավ, որ կապվեցին իրար հետ: Ես չունեմ տեղեկություններ, որ զորքի դուրս գալը կապված է այս փաստաթղթի հետ: Ես ունեմ տեղեկություններ, որ հայկական կողմն ասում է՝ թող զորքը դուրս գա, նոր բոլոր հարցերը կարող ենք քննարկել»: