«Վեոլիա Ջուր» ընկերության ջրի սակագնի թանկացման հայտը ՀԾԿՀ-ն ընդունել է ուսումնասիրության
«Վեոլիա Ջուր» ՓԲԸ-ն դիմել է Հանրային ծառայությունները կարգավորող հանձնաժողով խմելու ջրի մատակարարման և ջրահեռացման (կեղտաջրերի մաքրման) սակագների ճշգրտման հայտով: ՀԾԿՀ-ն հայտն ընդունել է ուսումնասիրության:
ՀԾԿՀ-ն «Վեոլիա Ջուր» ընկերությանը հայտնել է. ««Վեոլիա Ջուր» ընկերության կողմից օգոստոսի 7-ին ՀԾԿՀ ներկայացված խմելու ջրի մատակարարման և ջրահեռացման ծառայությունների մատուցման սակագների սահմանման հայտը համապատասխանում է հանձնաժողովի 2016 թվականի նոյեմբերի 2-ի 296Ն որոշմամբ հաստատված ջրային ոլորտում սակագների սահմանման և վերանայման կարգի պահանջներին, և հանձնաժողովն սկսել է հայտի ուսումնասիրության գործընթացը»:
Նշենք, որ 2017 թվականի հունվարի մեկից «Վեոլիա Ջուրն» ամբողջ հանրապետության ջրամատակարարման լիցենզիա է ստացել:
Այժմ 1 խ.մ. ջուրը 180 դրամ է, իսկ ընկերությունն առաջարկում է այն հասցնել 194.3 դրամի: Խոշոր բաժանորդների համար սակագինը 54 դրամ է, ընկերությունն առաջարկում է այն հասցնել 58.3 դրամի: