Ինչո՞ւ այրվեց Խոսրովի անտառը
Մի քանի օր է այրվում է Խոսրովի անտառը: Մի քանի օր է հսկայական ջանքեր են գործադրվում աննախադեպ հրդեհը մարելու համար: Ի վերջո, իհարկե, հրդեհը կմարվի, բայց մենք, եթե գոնե որպես հասարակություն դեռ որոշ չափով առողջության մասնիկ ենք պահպանել, ապա պետք է փորձենք պատասխանել մի պարզ հարցի՝ ինչո՞ւ այրվեց անտառը:
Անշուշտ, անտառային հրդեհներ լինում են շատ երկրներում, հատկապես անտառաշատ, եւ հատկապես ամառային չորային շրջանում: Հրդեհներից ապահովագրված չէ եւ ոչ մի երկիր, բայց մենք պետք է նաեւ խոստովանենք, որ եթե փոքրիկ Հայաստանում մոտ հինգ հարյուր կիլոմետր գետ չկոխեին խողովակների մեջ, եթե Սեւանը չջրաթափեին, եթե ագահի նման անտառները չզրկեին տասնյակ հազարավոր ծառերից: Թվարկումը կարող ենք շարունակել, բայց արդեն կարեւոր չէ: կարեւորն այն է, որ մենք հետեւությունններ անենք տեղի ունեցած աղետից, իսկ եթե չանենք, ապա հաջորդ աղետը Սեւանում է լինելու կամ Արարատյան դաշտում, որի գրունտային ջրերը ցամաքում են մի քանի հոգու ձկնաբուծարանների համար:
Մի խոսքով, բնությունը մեզ հուշում է, որ սթափվելու ժամանակն է, եւ դեռ մենք ահագին ուշացել ենք:
Top-News.am