«Պուտինին աջակցող մարդկանց թիվը շատ ավելի մեծ է, քան անօրինական բողոքների ակցիաներին մասնակցողներին». Պեսկով (տեսանյութ)
Հնարավոր չէ ցնցել իրավիճակը Ռուսաստանում, քանի որ ՌԴ նախագահ Վլադիմիր Պուտինին աջակցող մարդկանց թիվը շատ ավելի մեծ է, քան անօրինական բողոքների ակցիաներին մասնակցողներին: Նման կարծիք է հայտնել ՌԴ նախագահի մամուլի քարտուղար Դմիտրի Պեսկովը «Մոսկվա, Կրեմլ, Պուտին» հաղորդման համար Պավել Զարուբինին տված հարցազրույցում:
Մեկնաբանելով Պուտինի ենթադրյալ պալատի վերաբերյալ «այսպես կոչված բացահայտումները»՝ Կրեմլի խոսնակը նշել է, որ դրանք ձեռնտու են «նրանց, որոնք ցանկանում են իրավիճակն ավելի ցնցել», բայց «իրականում (այն) չի ցնցվում»:
«Հիմա շատերը կասեն, որ շատ մարդիկ են դուրս եկել ապօրինի գործողությունների: Ոչ, քիչ մարդիկ են դուրս եկել, շատ մարդիկ քվեարկել են Պուտինի օգտին»,-շեշտել է Պեսկովը`հիշեցնելով, որ շատ քաղաքացիներ նաև կողմ են քվեարկել Սահմանադրության փոփոխություններին:
«Եթե համեմատեք թվերը, կհասկանաք, թե ինչքան քիչ մարդ է (մասնակցում ցույցերին)»,-ասել է ՌԴ նախագահի մամուլի քարտուղարը:
Միաժամանակ նա ընդգծել է, որ «նրանք նույնպես Ռուսաստանի քաղաքացիներ են»:
«Ես հարգում եմ բոլոր տեսակետները, բայց ես կտրականապես դեմ եմ անօրինական ակցիաներին մասնակցելուն, քանի որ այլ գնահատական լինել չի կարող. սա օրենքի խախտում է»,-եզրափակել է Կրեմլի խոսնակը:
Կասեցվել է «Ծիրան» սուպերմարկետում գործող հացի արտադրամասի գործունեությունը՝ սանիտարական խախտումների...
Հուլիսը եղել է BYD-ի ամենահաջող ամիսը
«ՑԱՅԳ» հեռուստաընկերությունն իրականացնում է «Շիրակցու խոսք» ծրագիրը
ԲՏԱ նոր փոխնախարարը սովորել է Նիդերլանդներում
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
ՀՀ շրջանների մեծ մասում սպասվում է կարճատև անձրև և ամպրոպ, հնարավոր է կարկուտ
Ինչպե՞ս վարվել երկրաշարժի ժամանակ․ ՆԳ նախարարությունն իրազեկում է
Չուամենին և Կամավինգան գերադասում են մնալ Մադրիդում
Հյուրանոցներին աստղեր կշնորհի Հայաստանի հյուրանոցների ասոցիացիան
Ընտրական բնույթի հանցագործությունների դեպքերի առթիվ նախաձեռնվել է 209 քրեական վարույթ