Ծառուկյանը մանրամասնել է՝ ինչ է խոսել Փաշինյանի հետ
Քիչ առաջ ավարտվեց Նիկոլ Փաշինյանի և «Բարգավաճ Հայաստան» կուսակցության նախագահ Գագիկ Ծառուկյանի հանդիպումը: Լրագրողների հետ զրույցում Գագիկ Ծառուկյանը նշեց, որ հանդիպման ժամանակ ներկայացրել է իր դիրքորոշումը.
«Իմ դիրքորոշումը չի փոխվել, ցանկացել է հանդիպել, ես չեմ մերժել, հանդիպել եմ: Ես ասեցի իմ դիրքորոշումը, ինչ որ հրապարակային ասված է եղել, ես իր երեսին ասել եմ, որ այս իրավիճակից երկիրը հանելու համար անհրաժեշըտ է իր հրաժարականը, միակ ելքը դա է:
Իսկ խորհրդարանական արտահերթ ընտրությունների համար ասել եմ, որ այդ դեպքում պետք է չլինեք ժամանակավոր պաշտոնակատար, երբ դա ընդունելի կլինի, մնացած մասին կմանրամասնեմ»:
Հարցին, թե ինչ է պատասխանել Նիկոլ Փաշինայնը Գագիկ Ծառուկյանը չցանկացավ պատասխանել, նշելով՝ «անձամբ իրենից հարցրեք»: