«Հիմա թուրքերը եկել են՝ մեր ժողովրդին 1 ժամ ժամանակ են տվել». Որոտանի գյուղապետ
Սյունիքի մարզի Գորիսի տարածաշրջանի Որոտան համայնքում պատերազմից հետո սահմանազատումների շուրջ բանակցությունները դեռ չավարտված՝ այսօր ադրբեջանցիներն արդեն գյուղի մատույցներում բնակվողներին 1 ժամ ժամանակ տվել են՝ տարածքները լքելու համար: Տեղեկությունը 168.am-ի հետ զրույցում փոխանցեց Որոտանի գյուղապետ Սուրեն Օհանջանյանը:
«Գյուղում չէ՝ գյուղի տարածքն է, երկու հարկանի շենքը, որ տվել ենք իրենց, այդ շենքից վերև՝ այգեգործական ընկերության տարածքն է, խոսքը այդ հատվածի մասին է: Հիմա թուրքերը եկել են՝ մեր ժողովրդին մի ժամ ժամանակ են տվել, որ էդ տարածքն ազատեն»,- ասաց համայնքապետը:
– Իսկ խաղաղապահնե՞րը:
– Խաղաղապահներն ի՞նչ անեն, որ ասում են՝ իրենց սահմանն է:
– Մարզպետը, կառավարության որևէ ներկայացուցիչ ձեզ հետ կապ հաստատե՞լ է:
– Դե հիմա բանակցում են, ճշտում են՝ ինչ է կատարվում:
– Ի՞նչ պիտի անեք:
– Մեկը ուզում է իրերը տանի, մեկը՝ չի տանում, անորոշ վիճակ է:
Մի խոսքով, ես ուղիղ ասում եմ, էս մի ամիս է՝ խնդրում եմ՝ թող վերադասը գա, սահմանը ճշտեն, ժողովրդին ասեն՝ որն է իրենցը, որ մարդկանց ոչ թե թուրքը գա մի ժամ ժամանակ տա, վերադասից գան, ասեն, մարդիկ իմանան՝ ինչ է կատարվելու: Թուրքը ինձնից սահման չի հարցնում, որ ես գնամ իր հետ սահման ճշտում անեմ, վերադասը պետք է սահմանների համար բանակցի, ոչ թե ես:
ԶԱՐՈՒՀԻ ԴԻԼԱՆՅԱՆ 15:33 Դեկտեմբեր 28 2020 | | Դիտվել է` 374
Խորագիր:
Քաղաքականություն
SECTION TOP NEWS
«Գուցե այդ հատվածը սառած էր, ու այդ քաղաքացին ընկավ՝ խառը պահ էր. ես համարժեք պաշտպանվել եմ». Սիսակ Գաբրելյանը՝ իր մասնակցությամբ միջադեպի մասին
16:04 | «Գուցե այդ հատվածը սառած էր, ու այդ քաղաքացին ընկավ՝ խառը պահ էր. ես համարժեք պաշտպանվել եմ». Սիսակ Գաբրելյանը՝ իր մասնակցությամբ միջադեպի մասին
Այսօր առավոտյան մի խումբ քաղաքացիներ անհնազանդության ակցիաներ էին իրականացրել ԱԺ շենքի մոտ՝ Բաղրամյան և Դեմիրճյան փողոցներում: Ակցիայի ժամանակ «Իմ քայլը» խմբակցության պատգամավոր Սիսակ Գաբրիելյանը վեճի էր բռնվել ակցիայի մասնակիցների հետ, այնուհետև հարձակվել նրանց վրա: ...
«Նայում եմ սրանց լպիրշ պահվածքին ու հիշում թուրքի ձեռքերում առ այսօր մնացած հարյուրից ավել մեր զինվովականների մասին»․ Արմեն Աշոտյան
16:02 | «Նայում եմ սրանց լպիրշ պահվածքին ու հիշում թուրքի ձեռքերում առ այսօր մնացած հարյուրից ավել մեր զինվովականների մասին»․ Արմեն Աշոտյան
Արմեն Աշոտյանը ֆեյսբուքյան իր էջում գրում է․ «ԱԺ իշխանական թափթփուկների երեսներն եմ տեսնում ու հիշում Հադրութի եւ արցախյան այլ վայրերի անտառներում պատերազմից 50 օր անց լքված, բախտի քմահաճույքին թողնված տղերքի մասին։ ...
«Թուրքերը եկել են, Որոտանի 12 տունը՝ իրենց հողատարածքներով, վերցնում են». Առուշ Առուշանյան
15:49 | «Թուրքերը եկել են, Որոտանի 12 տունը՝ իրենց հողատարածքներով, վերցնում են». Առուշ Առուշանյան
Այսօր թշնամին արդեն Սյունիքի մարզի Գորիս խոշորացված համայնքի Որոտան գյուղում է: Գորիսի քաղաքապետ Առուշ Առուշանյանը 168.am-ի հետ զրույցում հայտնեց, որ թշնամին այժմ փորձում է Որոտան համայնքի 12 տունը վերցնել: ...
«Որևէ մեկը եռակողմ համաձայնագրում թող հայանպաստը չփնտրի». Հովհաննես Իգիթյան
15:39 | «Որևէ մեկը եռակողմ համաձայնագրում թող հայանպաստը չփնտրի». Հովհաննես Իգիթյան
ԱԺ «Իմ քայլը» խմբակցության պատգամավոր Հովհաննես Իգիթյանի խոսքով՝ նոյեմբերի 10-ին ստորագրված եռակողմ համաձայնագրրի հետ կապված արդեն մի քանի անգամ ասել է, որ այնտեղ հայանպաստ որևէ բան չկա: ...
Արդյո՞ք հունվարի 11-ին Մոսկվայում եռակողմ հանդիպում տեղի կունենա
15:23 | Արդյո՞ք հունվարի 11-ին Մոսկվայում եռակողմ հանդիպում տեղի կունենա
Օրերս տելեգրամյան հարթակներում տեղեկատվություն տարածվեց, որ 2021թ հունվարի 11-ին Մոսկվայում տեղի է ունենալու եռակողմ հանդիպում ՌԴ և Ադրբեջանի նախագահներ Վլադիմիր Պուտինի և Իլհամ Ալիևի և Նիկոլ Փաշինյանի միջև: ...